आज पहाटेच्या सुमारास अंतरीक्षने आपल्या वसतिगृहातील खोलीत बेडशीटच्या साहाय्याने गळफास घेत आपलं आयुष्य संपवलं. घटनेची माहिती मिळताच एनडीए प्रशासनाने तातडीने उत्तमनगर पोलिसांना कळवलं. पोलिसांनी घटनास्थळी धाव घेत पंचनामा केला असून मृतदेह शवविच्छेदनासाठी ससून रुग्णालयात पाठवण्यात आला आहे. या घटनेमागील नेमकं कारण अद्याप स्पष्ट झालेलं नाही. प्राथमिक तपासात कोणतेही सुसाईड नोट सापडलेली नाही. पोलिस विद्यार्थी मित्र, प्रशिक्षक आणि अधिकाऱ्यांकडून चौकशी करून मानसिक ताण, शैक्षणिक दबाव किंवा वैयक्तिक कारणे होती का, याचा शोध घेत आहेत.

Beed News: बीडमध्ये जीवघेण्या सिरपच्या 500 बाटल्यांचा पुरवठा, बंदी घातलेल्या सिरपचा पुरवठा झाला तरी कसा?

मिळालेल्या प्राथमिक माहितीनुसार, आज पहाटे त्याने त्याच्या खोलीतील बेडशीटने गळफास लावून स्वतःचं जीवन संपवलं. याची माहिती मिळताच पोलिसांना कळवण्यात आलं. पोलिसांनी सध्या मृतदेह ताब्यात घेतला आहे. तसेच अंतरिक्षच्या कुटुंबालाही माहिती देण्यात आली. अंतरिक्षने आत्महत्या का केली? आत्महत्या करण्यामागचं कारण काय? याचा तपास सुरू आहे. त्याच्या खोलीतून सुसाईड नोटही सापडली नाही. सध्या उत्तमनगर पोलिसांकडून अधिक तपास सुरू आहे. या घटनेनंतर अतंरिक्ष कुमार या तरूणाच्या कुटुंबावर दुखा:चा डोंगर कोसळला आहे.

माझ्यावर अत्याचार, 5 लाख दे, केस मागे घेते, महिलेने खंडणी मागितली, कोल्हापूर पोलिसांची सिनेस्टाईल कारवाई

अंतरीक्ष कुमार हा मूळचा उत्तर प्रदेशचा राहणारा आहे. आज शुक्रवारी पहाटे अंतरीक्षने त्याच्या खोलीत गळफास लावून आत्महत्या केली. अंतरीक्षचे वडील सुद्धा माजी सैनिक आहेत. तो सध्या पुण्यातील राष्ट्रीय संरक्षण प्रबोधिनी मध्ये शिक्षण घेत होता. जुलै महिन्यात त्याने एनडीएमध्ये प्रवेश घेतला होता आणि पहिल्या वर्षात तो शिकायला होता.