निलेश घायवळ आणि गोळीबार केलेल्या आरोपींचा काहीही संबंध नाही, तसंच निलेश घायवळ त्यांना ओळखत नसल्याचा दावा घायवळच्या केला आहे. या प्रकरणात पोलिसांनी मीडियाच्या दबावाखाली येऊन निलेश घायवळ याचे कनेक्शन गोळीबाराशी जोडले आहे का, यासाठी निलेश घायवळ याच्या वकिलांकडून रिट पिटीशन दाखल करण्यात आली आहे. निलेश घायवळचे वकील विपुल दुशिंग यांनी याबाबत सविस्तर प्रतिक्रिया दिली आहे.

Murlidhar Mohol : अजित पवारांविरोधात मुरलीधर मोहोळ यांचा शड्डू, दादा तीनवेळा अध्यक्षपद भूषवत असलेल्या निवडणुकीत उडी

विपुल दुशिंग म्हणाले, ‘हा रस्त्यावरील झालेल्या भांडणाचा प्रकार आहे. रस्त्यावर अचानक झालेल्या भांडणातून एका गटाने दुसऱ्या गटावर केलेल्या गोळीबाराचा हा सगळा प्रकार आहे. पुणे पोलिसांकडून देखील पहिल्या दिवशी बातमी देण्यात आली होती की यामध्ये कोणत्याही गँगवॉरचा संबंध नाही, हा रस्त्यावरील भांडणाचा प्रकार आहे. त्यामुळे याच्यामध्ये कोणत्याही गँगचा संबंध नाही. मात्र माध्यमांकडून वारंवार जे प्रेशर येत गेलं त्यातून निलेश घायवळचं नावं यामध्ये टाकलंय का हे तपासून पाहावं यासाठी आम्ही उच्च न्यायालयात रिट पिटीशन दाखल केली आहे’.

निलेश घायवळच्या म्हणण्याप्रमाणे गोळीबार करणारे आणि निलेश घायवळ यांची कुठल्याही प्रकारे ओळख नाही. त्यांची कधीही गाठभेट झालेली नाही ते एकमेकांसोबत कधी फोनवर देखील बोललेले नाहीत. असं असताना या प्रकरणात त्यांचं नाव गोवलं जाणं ही बाब त्यांनी कोर्टामध्ये चॅलेंज केली आहे. निलेश घायवळ याला कायमस्वरूपी परदेशात वास्तव्य करणे शक्य नाही. एक ना एक दिवस त्यांना इकडे येणे आहेच, त्यामुळे कोर्टाकडून न्यायाची अपेक्षा आहे, अं देखील विपुल दुशिंग म्हणाले आहेत.

दरम्यान, एकीकडे निलेश घायवळ याला परदेशातून परत आणण्याच्या प्रक्रियेला पुणे पोलिसांनी सुरुवात केलेली असताना दुसरीकडे घायवळच्या वकिलाकडून कोर्टामध्ये रिट पिटीशन दाखल केल्यामुळे या प्रकरणात आणखी पुढे कोणते धागेदोरे हाती लागतात हे पाहणं महत्त्वाचं असणार आहे.