पोलिसांनी दिलेल्या माहितीनुसार, मालवणी पोलिस ठाण्यातील उपनिरीक्षक प्रदीप कदम हे ‘मालवणी मोबाइल-एक’ येथे कर्तव्य बजावत असताना त्यांचा एक व्हिडीओ १६ सप्टेंबर रोजी समाजमाध्यमांवर व्हायरल झाला. या व्हिडीओमध्ये पोलिस पैसे स्वीकारत असल्याचा आरोप करीत पोलिसांवर टीका करण्यात आली होती. अशाच प्रकारचा आणखी एक व्हिडीओ १८ सप्टेंबर रोजी व्हायरल झाला.
लाडक्या बहिणींची दिवाळी गोड! सप्टेंबरचा हप्ता मिळण्याचा मार्ग मोकळा, तब्बल ४१० कोटी मंजूर, कधी मिळणार?
यावेळी मालवणी मोबाइल-एक या गाडीवर कॉन्स्टेबल संजय रासकर, विकास माळी आणि महेंद्रकुमार मराळ हे तिघे कर्तव्य बजावत होते. व्हायरल झालेल्या या व्हिडीओमुळे सर्वसामान्य नागरिकांमध्ये पोलिसांची प्रतिमा मलीन झाली.
Mahavitaran Strike: महावितरण कर्मचारी 3 दिवस संपावर; वीजपुरवठ्यासंंबंधी तक्रारी असल्यास कुठे साधाल संपर्क?
या दोन्ही व्हिडीओंची वरिष्ठांनी गंभीर दखल घेतली. त्यानंतर विभागीय चौकशीच्या अधीन राहून पोलिस उपायुक्तांनी प्रदीप कदम यांच्यासह संजय रासकर, विकास माळी आणि महेंद्रकुमार मराळ यांना सेवेतून निलंबित करण्याचे आदेश जारी केले. निलंबन करण्यात आलेल्या या सर्व पोलिसांनी निलंबनाचे आदेश स्वीकारले असून याबाबत चौकशी सुरू असल्याची माहिती पोलिसांनी दिली.

आर्थिक गुन्हे शाखेच्या तपासावर प्रश्नचिन्ह
ठाणे : बनावट कागदपत्रांच्या आधारे जमीन स्वतःची असल्याचे भासवत जमिनीची विक्री करून त्यावर बेकायदा बांधकाम केल्याप्रकरणी ११ जणांविरुद्ध दाखल गुन्ह्यात अद्याप एकाही आरोपीला अटक करण्यात आली नाही. आरोपी मोकाट असून ठाणे आर्थिक गुन्हे शाखा योग्य पद्धतीने तपास करत नाही. त्यामुळे या गुन्ह्याचा तपास गुन्हे अन्वेषण विभागाकडे वर्ग करावा, तसेच या गुन्ह्यात आणखी काही कलमे वाढवण्यात यावीत, अशी मागणी ६९ वर्षांच्या तक्रारदार सुभद्रा टकले यांनी पत्राद्वारे मुख्यमंत्री देवेंद्र फडणवीस यांच्यासह ठाण्याचे पोलिस आयुक्त आशुतोष डुंबरे यांच्याकडे केली आहे.