या घटनेचा तपास करताना पिंपरी-चिंचवड पोलिसांच्या गुन्हे शाखा युनिट 3 च्या पथकाने अवघ्या दोन दिवसांत खुनाचा छडा लावून तिन्ही आरोपींना अटक करण्यात यश मिळवले आहे. मृत व्यक्तीचे नाव मुकेश कुमार (वय 24) असे असून, त्याचा खून त्याच्याच प्रेयसीने आणि तिच्या साथीदारांनी मिळून केला असल्याचे समोर आले आहे.
फांद्या छाटताना मोठा अनर्थ; सिगरेटची ठिणगी पडून डिझेल कॅनचा स्फोट, नाशकात 6 जण होरपळले

सूड उगवण्याचा निर्णय

पोलिसांनी दिलेल्या माहितीनुसार, मुकेश कुमार आणि आरती कुमारी बिजलाउराम उराव (वय 23) हे दोघे सुमारे तीन वर्षांपासून एकत्र राहत होते. या दोघांमध्ये वारंवार वाद व्हायचे आणि मुकेश आरतीला वेळोवेळी मारहाण करीत असे. सततच्या त्रासामुळे आरती संतापली होती. तिने सूड उगवण्याचा निर्णय घेत आपल्या भावाला आणि मैत्रिणीला या कटात सामील करून घेतले.2 ऑक्टोबर रोजी तिघांनी मिळून मुकेशवर हल्ला चढवला. धारदार शस्त्राने त्याच्या डोक्यावर आणि चेहऱ्यावर वार करण्यात आले. या भीषण मारहाणीमुळे त्याचा जागीच मृत्यू झाला. गुन्हा लपवण्यासाठी आरोपींनी मृतदेह ब्लँकेटमध्ये गुंडाळून चाकणजवळील निर्जन भागात टाकून दिला होता.

सापळा रचून ताब्यात घेतले

मृतदेह सापडताच पोलिसांनी तपास सुरू केला. सीसीटीव्ही फुटेजमधून संशयास्पद हालचाली दिसून आल्या तसेच मुकेशसोबत राहणारे काहीजण अचानक गायब झाल्याचे लक्षात आले. या धाग्यांवरून तपास पुढे नेण्यात आला. अखेर पोलिसांना माहिती मिळाली की आरोपी संभाजीनगर भागात लपले आहेत. तत्काळ सापळा रचून पोलिसांनी त्यांना ताब्यात घेतले.

अटक केलेले आरोपी म्हणजेच आकाश बिजलाउराम उराव (वय 21), आरती कुमारी बिजलाउराम उराव (वय 23) आणि बालमुनी कुमारी रामचंद्र उराव (वय 21) अशी असून, तिघांविरोधात चाकण पोलिस ठाण्यात खुनाचा गुन्हा नोंदवण्यात आला आहे.

ही कारवाई गुन्हे शाखा युनिट 3 च्या पथकाने वरिष्ठ पोलीस निरीक्षक जितेंद्र कदम यांच्या मार्गदर्शनाखाली केली. पथकात पोलीस उपनिरीक्षक सुनील जावळे, तसेच राजाराम लोणकर, योगेश आढारी, राम मेरगळ, सागर जैनक, योगेश्वर कोळेकर, त्रिनयन बाळसराफ, समीर काळे आणि शेखर खराडे या अधिकाऱ्यांचा समावेश होता. पोलिसांच्या जलद आणि नेमक्या कारवाईमुळे केवळ 48 तासांत या धक्कादायक खुनाचे गूढ उलगडले असून, चाकण परिसरात या घटनेने मोठी चर्चा रंगली आहे.