पहिल्या अपघातात तरुणीचा मृत्यू

बेंगळुरूकडून मालेगावकडे निघालेल्या एका कारचे बुधवारी पहाटे दोन वाजता पिंपळखुटाजवळ टायर फुटले. ही कार पहिल्या लेनमध्ये उभी होती. तेथेच प्रवासी समोर उभे होते. तेवढ्यात मागून भरधाव वेगात आलेल्या दुसऱ्या कारने त्यांना धडक दिली. या भीषण अपघातात सुहाना (वय 18) या तरुणीचा पुलाखाली कोसळून जागीच मृत्यू झाला. तर चालक नियाज पाशा (वय 42, रा. बेंगळुरू) गंभीर जखमी झाला. धडक देणाऱ्या कारचा चालक किशोर कुमार (वय 40, रा. सुरत) व सोबतचे पाच प्रवासी सुखरूप आहेत.पुणे- सोलापूर महामार्गावर भीषण अपघात; लोखंडी सळ्या थेट स्कूलबसमध्ये घुसल्या, मदतनीसासह 8 विद्यार्थी जखमी

फक्त अडीच तासानंतर घडला पुढचा अपघात

दुसरा अपघात अडीच तासांच्या फरकाने खळेगावजवळ पहाटे साडेचार वाजता घडला. भरधाव वेगाने जाणाऱ्या ट्रकने समोरील कारला धडक दिली. धडक बसताच कारमधील प्रदीप मुला (वय 26) व शिवानंद दास (वय 40) हे दोघे रस्त्यावर पडले. तर ट्रकने कारला फरफटत दूर अंतरावर नेले. या कारमधील सौरभ प्रधान (वय 21) व ओसरवरी दास (वय 24), सर्व रा. भद्रक जिल्हा, ओडिशा हेदेखील जखमी झाले. सर्व जखमींवर मेहकर येथील रुग्णालयात उपचार सुरू आहेत.

परंतु अपघातांचे सत्र काही इथे थांबले नाही. धुळे – सोलापूर महामार्गावर समृद्धी महामार्गाच्या माळीवाडा इंटरचेंजजवळ एका कारचा अपघात घडला. या अपघातात कारमधील सात जण गंभीर जखमी झाले. ही घटना आठ ऑक्टोबर रोजी सकाळी दहा वाजेच्या दरम्यान घडली. या मध्ये कार उलटून सात जखमी झाले. या अपघातात जखमी झालेल्यांची नावे जनार्दन माधवराव निंबाळकर (वय 60),छाया जनार्दन निंबाळकर (वय 55, पुष्पा नवनाथ तापकीर (वय 47), श्रद्धा संदीप हिवाळे (वय 34),उषा अशोक गोरे (वय 50), शोभाबाई कुंदनसिंग राजपूत (वय 67),शालिनी शंकरराव माताडे (वय-47, सर्व रा. श्रद्धा कॉलनी, वाळूज महानगर) अशी आहेत.

या प्रकरणी दौलताबाद पोलिसांनी दिलेल्या माहितीनुसार, जखमींना जगद्गुरु नरेंद्रचार्य संस्थानच्या रुग्णवाहिकेतून ग्रामस्थांच्या मदतीने एमआयडीसी वाळूज येथील एका खाजगी रुग्णालयात उपचारासाठी दाखल करण्यात आले. या अपघाताची नोंद दौलताबाद पोलिस ठाण्यात घेण्यात आली आहे.