ठाण्यातील मायरा (नाव बदलले आहे) या सात महिन्यांच्या चिमुकलीवर जटिल याकूत प्रत्यारोपणाची शस्त्रक्रिया यशस्वीरीत्या पार पाडली. ती बिलीयरी अ‍ॅट्रेसिया या दुर्मिळ आणि गंभीर आजाराने त्रस्त होती. त्यामुळे पित्ताशय आणि पित्तवाहिन्यांची प्रणाली शरीरात व्यवस्थित तयार होत नाही. केवळ पाच किलो वजनाच्या मायराला पाच महिन्यांची असताना कावीळ झाल्याने ठाण्यातील ज्युपिटर रुग्णालयात दाखल केले होते.

या आजारात तिचे यकृत मोठे झाले होते. तिच्या तपासणीत ‘मायटोकॉन्ड्रियल ट्रायफंक्शन प्रोटीन डेफिशियन्सी’ या आजाराचे निदान झाले. तसेच हा आजार जन्मानंतर १०० दिवसांच्या आत निदान झाल्यास, आतड्याला थेट यकृताशी जोडणारी शस्त्रक्रिया करुन उपचार शक्य असतो. मात्र त्या टप्प्यावरून मायरा पुढे गेल्याने तिच्यासाठी यकृत प्रत्यारोपण हा एकमेव पर्याय उरला होता.

सुरुवातीला तिचे पालक आणि काका हे दाते म्हणून तपासले गेले, मात्र रक्तगट जुळत नसल्याने आणि चरबीयुक्त यकृत असल्यामुळे ते दाते म्हणून अपात्र ठरले. त्याचवेळी तिचे ५९ वर्षीय आजोबा पुढे सरसावले. त्यांचे यकृत मायरासाठी योग्य तसेच वैद्यकीयदृष्ट्या तंदुरुस्त असल्याचे तपासणीत समोर आले.
Solapur Crime : साक्षी अभ्यास करतेय, आईचा समज; मेडिकल विद्यार्थिनी लेकीने खोलीत आयुष्य संपवलं, डॉक्टरांचे ‘ते’ शब्द ऐकताच माऊलीचा हंबरडा

….आणि प्रकृती बिघडली

सहा महिन्यांपर्यंत होईपर्यंत मायराची तब्येत अधिक बिघडली होती. पोटात पाणी साचणे आणि रक्त गोठवण्याची क्षमता कमी होणे, अशी लक्षणे वाढली होती. तिचे वडील रुग्णालयाचे कर्मचारी असल्याने आणि कुटुंबाची आर्थिक परिस्थिती लक्षात घेता ज्युपिटर रुग्णालयाने विशेष सवलती देत ही शस्त्रक्रिया तातडीने पूर्ण केली.

लहान बालिकेवर यकृत प्रत्यारोपण करणे अत्यंत आव्हानात्मक असते. बालकांमध्ये यकृत हे एकूण शरीरवजनाच्या केवळ ४–५ टक्के असते, त्यामुळे प्रौढ व्यक्तीच्या यकृतातील अगदी लहान तुकडाही बालिकेच्या शरीरात बसवताना तांत्रिक अडचणी निर्माण होतात. हे आव्हान पार करण्यासाठी डॉक्टरांनी अत्याधुनिक तंत्र वापरले.
Y Puran Kumar Death : आयपीएस अधिकाऱ्याने जीव दिला, नऊपानी चिठ्ठीत धक्कादायक उलगडा; IAS बायको जपानला असताना 17 वर्षांच्या लेकीने…

प्रकृतीत सुधारणा, वजनही वाढले

ट्रान्सप्लांट सर्जन्स, बालरोग तज्ज्ञ, भूलतज्ज्ञ, गॅस्ट्रोएन्टेरॉलॉजिस्ट, परिचारिका, आहारतज्ज्ञ व सहाय्यक कर्मचाऱ्यांच्या मदतीने ही शस्त्रक्रिया यशस्वी ठरली. त्यानंतर मायराची प्रकृतीही हळूहळू सुधारली, ती नियमित आहार घेत असल्याने तिचे वजन वाढले, आता तिचे व आजोबांचेही आरोग्य उत्तम असल्याचे रुग्णालयाच्या लिव्हर ट्रान्सप्लांट व हेपॅटोबिलीयरी पॅन्क्रिएटिक सर्जरी विभागाचे संचालक डॉ. आनंद राममूर्ती यांनी सांगितले.