मराठवाड्यातील नांदेड, परभणी, जालना आणि छत्रपती संभाजीनगर या परिसराच्या आसपास अनेक जण शिक्षणासाठी तसेच नोकरीसाठी मुंबई आणि पुणे येथे गेलेले आहेत. दिवाळीच्या काळात मुंबई पुण्यात राहणारे अनेक जण आपल्या गावाकडे परिवारासह येत असतात. नांदेड विभागातून मुंबईसाठी वंदेभारतसह राज्यराणी, जनशताब्दी, तपोवन, देवगिरी, नंदीग्रामसह अन्य रेल्वे मुंबईकडे चालविण्यात येत असतात. यात देवगिरी, नंदीग्रामसह जनशताब्दी, राज्यराणी एक्स्प्रेस या नियमित रेल्वेला मराठवाड्यातून जाणाऱ्या प्रवाशांची संख्या जास्त असतात. तसेच अन्य गाड्यांमधून जाणाऱ्या प्रवाशांची संख्या जास्त असते.दिवाळीच्या काळात या नियमित गाडयांमध्ये प्रवाशांची गर्दी होत असते. यंदाच्या दिवाळीच्या काळातही अनेक रेल्वेला वेटींगची संख्या ही शंभरच्या वर पोहोचली आहे.
Manoj Jarange: ओबीसी मोर्चाच्या नावाखाली काँग्रेसचा फायदा; मनोज जरांगेंचा विजय वडेट्टीवारांवर आरोप
मुंबईसह पुण्याहून मराठवाड्याकडे परतणाऱ्यांची संख्या जास्त आहे. नांदेड पुणे या रेल्वेलाही वेटिंग जास्त आहे. पुण्यासाठी गेलेल्यांमध्ये बीड, परभणी आणि नांदेडकडील प्रवाशांची संख्या जास्त आहे. ही रेल्वे वेटिंगवर असल्याने पुण्याहून ऐनवेळी मराठवाड्यात रेल्वेने प्रवास करणाऱ्यांना ट्रॅव्हल्स बस किंवा अन्य वाहनातून प्रवास करावा लागणार आहे.

विशेष रेल्वेचा दुष्काळ
दक्षिण मध्य रेल्वे भागातून दिवाळीच्या काळात दक्षिण भागात विशेष रेल्वे जाहीर केलेली नाही. काही दिवसांपूर्वी काकीनाडा टाउन-नांदेड, तसेच सोलापूर ते धर्मावरम, बिदर बेंगळुरू कँटोन्मेंटसह अन्य मार्गावर विशेष रेल्वे सुरू करण्यात आलेली आहे. याशिवाय दसऱ्यासाठीही दक्षिण भागात रेल्वे सोडण्यात आले हेाते.
दसऱ्यानिमित्त आईसाठी दागिन घ्यायला गेले अन्…; व्यावसायिकासोबत धक्कादायक प्रकार, घटनेचे CCTV फुटेज समोर
कुठे वेटिंग, तर कुठे नो रूम…
पुणे ते नांदेड दरम्यान दोन रेल्वे चालविल्या जात आहेत. या दोन रेल्वेसाठी पुणे – नांदेड १४ ते २१ ऑक्टोंबर व पनवेल- नांदेड या रेल्वेला १६ ते २० ऑक्टोबरपर्यंतचे तिकीटच उपलब्ध नाही. तसेच मुंबईकडे जाणाऱ्या देवगिरी, नंदीग्राम, राज्यराणी एक्स्प्रेसला १७ ते २० ऑक्टोबरपर्यंत नो रूम म्हणजे तिकीट उपलब्ध नाहीत. तसेच तपोवन एक्सप्रेस १६ ते २० ऑक्टोबर २१६ वेटिंग, १७ ऑक्टोबरला वंदेभारत ८३, जनशताब्दी ५९ वेटींग दाखवत आहे. याशिवाय कोल्हापूर – नागपूर व धनबादला १७ रोजीपर्यंत तर, दिल्लीकडे जाणारी सचखंड एक्सप्रेसला १७ ते १९ ऑक्टोबरपर्यंत नो रूम आणि अजंता एक्स्प्रेसला १७ ऑक्टोंबरपर्यंत शंभरावर वेटिंग असल्याची माहिती समोर आली आहे.
मित्रांसह नदीवर पोहायला गेल्यानंतर घात झाला; उपसरपंचाच्या 23 वर्षीय मुलाचा बुडून मृत्यू
रेल्वे विभागाने ज्या मार्गावर शंभरवर रेल्वेची तिकिट प्रतीक्षायादीत आहेत. किंवा ज्या मार्गावर नो रूम दाखवित आहे. अशा मार्गावर विशेष रेल्वे चालु केल्यास, रेल्वेचे उत्पन्न वाढेल तसेच प्रवाशांना सुविधा मिळेल. जेव्हा लोकांना गरज असते. तेव्हा विशेष रेल्वे सोडल्या जात नाही. मात्र, नागरिकांनी पर्याय शोधल्यानंतर रेल्वे घोषित केली जात होती. या रेल्वेला प्रतिसाद मिळत नाही, असे सांगून दरवर्षी दिवाळीच्या काळात महाराष्ट्रात राहणाऱ्या मराठवाड्यातील नागरिकांना महाराष्ट्रातच मुंबई आणि पुण्यासाठी रेल्वे मिळत नाही. – अरूण मेघराज, मराठवाडा रेल्वे प्रवासी महासंघ