हॉटेलमध्ये कर्मचाऱ्याचा मृत्यू

पोलिसांनी दिलेल्या माहितीनुसार, कर्जत तालुक्यातील मांडवणे येथील समीर करवंदे (वय ३३) या कामगाराचा ओलियंडर सॉल्ट या पंचतारांकित आलिशान हॉटेलमध्ये मृत्यू झाला आहे. ही घटना ३ ऑक्टोबर रोजी दुपारी उघडकीस आली. सुमारे दीडशे एकर जागेत उभारलेल्या ओलियंडर सॉल्ट या आलिशान रिसॉर्टमध्ये समीर करवंदे हाऊसकीपिंग विभागात दीड वर्षांपासून कार्यरत होता. नेहमीप्रमाणे कामाच्या ठिकाणी तो काही साहित्य आणण्यासाठी आपल्या रूममध्ये गेला होता. मात्र काही वेळाने तो रूममध्येच मृत अवस्थेत आढळून आला.
शाळेला दांडी मारुन मित्रांसोबत गेला; 12 वर्षीय मुलावर काळाचा घाला, लेक गेला… आई-वडिलांचा काळीज पिळवटणारा आक्रोश
त्याचा सहकारी एका कामानिमित्त तेथे गेला असता त्याच्या पायाखालची जमीनच सरकली. समीर जमिनीवर पडलेला दिसला. तातडीने त्याला उपजिल्हा रुग्णालय, कर्जत येथे हलवण्यात आलं. मात्र डॉक्टरांनी तपासूव त्याला मृत घोषित केलं.
दिवाळीत कोकण रेल्वे मार्गावर प्रवास करणाऱ्यांसाठी मेमू स्पेशल ट्रेन; कधी-कुठून आणि केव्हा सुटणार? रेल्वे प्रशासनाची माहिती

मृत्यूच्या कारणाचा शोध सुरू

समीर करवंदेचा मृत्यू हृदयविकाराच्या झटक्याने झाला, की अन्य काही कारणामुळे, याबाबत कोणतीही माहिती मिळालेली नाही. शवविच्छेदन अहवाल आल्यानंतरच मृत्यूचं नेमकं कारण समोर येईल, अशी माहिती डॉक्टरांनी दिली आहे. दरम्यान, या घटनेची माहिती मिळताच मृत समीर करवंदे यांचे नातेवाईक मोठ्या संख्येने कर्जत उपजिल्हा रुग्णालयात दाखल झाले होते. त्यावेळी रुग्णालय परिसरात एकच गर्दी झाली होती.

घटनेनंतर कर्जत पोलीस ठाण्याचे पोलीस उपनिरीक्षक किरण नवले यांनी पथकासह घटनास्थळी भेट देऊन पंचनामा केला. पोलिसांनी प्राथमिक चौकशी सुरू केली असून अधिक तपास सुरू असल्याचं सांगण्यात आलं आहे. या घटनेमुळे पंचतारांकित सॉल्ट हॉटेलमध्ये खळबळ उडाली आहे. कामगाराच्या या मृत्यूचं नेमकं कारण काय? तरुणासोबत काय घडलं? याचा तपास पोलिसांकडून सुरू आहे.