कपिल दिलीप खंडागळे यांनी दिलेल्या फिर्यादीनुसार, दसऱ्याच्या शुभमुहूर्तावर त्यांनी आईला दागिने घेण्याचा निर्णय घेतला. दागिने घेण्यासाठी ते क्रांती चौक ते उस्मानपुरा येथे असलेल्या कल्याण ज्वेलर्स येथे गेले. मात्र त्या दुकानांमध्ये कपिल यांना हवा असलेल्या डिझाईनचा दागिना मिळाला नाही. त्यामुळे सोबत आणलेली 2 लाख 85 हजार रुपये किमतीची रोकड त्यांनी पुन्हा दुचाकीच्या डिक्कीमध्ये ठेवली. याचवेळी काही चोरटे कपिल यांच्या हालचालींवर लक्ष ठेवून होते. काही वेळानंतर चोरट्यांनी दुचाकीच्या डिक्कीतून 2 लाख 85 हजार रुपयाची रोकड लंपास केली.

Chhatrapati Sambhajinagar: काहीतरी पडलं, पाहताच दीर थरथरला, पोलीस पत्नीने तिसऱ्या मजल्यावरुन उडी घेत जीव दिला, कारण काय?

सुरक्षारक्षकाने चोरट्यांना अडवण्याचा केला प्रयत्न, पण…
ज्वेलर्स दुकानाचा सुरक्षारक्षक आदित्य भुईगळ याच्या ही बाब लक्षात आली. सुरक्षारक्षकाने पळून जाणाऱ्या चोरट्यांची दुचाकी थांबवण्याचा प्रयत्न केला. अक्षरश: गाडी ओढली. मात्र गाडीचे मडगार्ड तुटून आदित्य भुईगळे यांच्या हातात आले. यावेळी चोरटे रक्कम घेऊन पसार झाले. दरम्यान या प्रकरणी कपिल खंडाकडे यांनी तात्काळ उस्मानपुरा पोलीस ठाणे गाठत याप्रकरणी फिर्यादी दिली असून अज्ञात व्यक्तींच्या विरोधात गुन्हा दाखल करण्यात आला आहे.

दरम्यान, दसरा- दिवाळीच्या उत्सवाच्या दरम्यान भर दिवसा अशी चोरीची घटना झाल्यामुळे पोलिसांच्या कार्यक्षमतेवर प्रश्नचिन्ह निर्माण झाले आहे. आता तरी पोलीस या चोरट्यांना आळा घालणार का, असा सवाल सर्वसामान्य नागरिकांमधून उपस्थित केला जात आहे.