सीताबर्डी येथील ‘गुलशन प्लाझा’ या हॉटेलचे मालक असलेले जावेद अख्तर हे कुटुंबीयांसह २२ सप्टेंबरला युरोप सहलीसाठी गेले होते. फ्रान्समध्ये पर्यटनाचा आनंद घेतल्यानंतर ते इटलीला गेले होते. पण नियतीच्या मनात काही वेगळेच होते. गुरुवारी सकाळी ९ वाजता पर्यटनासाठी जात असताना त्यांच्या ९ आसनी मिनीबसला इटलीतील ग्रोसेटोजवळ भीषण अपघात झाला. या अपघातात अख्तर पती-पत्नी यांचा मृत्यू झाला. तर तीन मुले जखमी झाले आहे. जखमींवर रुग्णालयात उपचार सुरू आहे.
वडिलांसोबत लेक दुचाकीवर, भरधाव आयशरची बाईकला धडक; अंगावर चाक गेल्यानं बापाच्या डोळ्यादेखत मुलीचा करुण अंत
अपघाताची माहिती मिळताच दोन नातेवाईक मदतीसाठी इटलीला रवाना झाले आहे. याबाबत कळताच मुख्यमंत्री देवेंद्र फडणवीस यांनी रोममधील भारतीय दुतावासाशी समन्वय साधून मृतदेह भारतात आणण्यासाठी तसेच जखमी मुलांवर उपचारासाठी प्रयत्न केले. जिल्हाधिकारी डॉ. विपीन इटनकर यांनी दुतावासाशी तातडीने पत्रव्यवहार करून कायदेशीर बाबींसाठी अख्तर कुटुंबाला मदत केल्याचे समजते.

‘जावेद आणि त्यांचे कुटुंबीय दरवर्षी विदेश सहलीला जात होते’ असे सिव्हिल लाइन्स येथील अख्तर कुटुंबाच्या निवासस्थानासमोर जमलेल्या शोकाकूल नातेवाइकांनी सांगितले. घटनेनं परिसरात हळहळ व्यक्त केली जात आहे .