मृत विवाहितेचे नाव ऋतुजा सागर चुंबळकर, वय २६ वर्ष, रा. हेरंब अपार्टमेंट, बालाजीनगर, असे आहे. या प्रकरणी सहकारनगर पोलीस ठाण्यात पती सागर याच्या विरोधात गुन्हा नोंदवण्यात आला आहे.

फिर्यादी असलेल्या ऋतुजाच्या वडिलांनी दिलेल्या माहितीनुसार, ऋतुजा हिचा विवाह जानेवारी २०२४ मध्ये पुणे जिल्ह्यातील बारामती तालुक्यातील सागर चुंबळकर याच्याशी झाला होता. ऋतुजा एका बँकेत काम करत होती, तर सागर हा एका फायनान्स बँकेत कार्यरत आहे.

विवाहाच्या साधारण दीड वर्षानंतर ऋतुजा गरोदर राहिली. तेव्हा सागर याने “मुलगा झाला पाहिजे, मुलगी झाली तर नांदवणार नाही” अशी धमकी देत तिला सातत्याने मानसिक त्रास दिल्याचा आरोप आहे.

पतीकडून वारंवार होणाऱ्या त्रासाला कंटाळून ऋतुजा गणेश पेठ येथील माहेरी गेली होती. मात्र तिच्या वडिलांनी तिची समजूत काढून तिला पुन्हा बालाजीनगर येथील सासरी परत पाठवले. परंतु मुलगाच झाला पाहिजे या सागरच्या हट्टापायी ऋतुजा प्रचंड मानसिक तणावाखाली होती.
प्रत्येकाची आई मरते रे, कामावर ये नाहीतर विदाऊट पे लावतो; बँक कर्मचाऱ्याच्या दुःखावर डागणी, अजित सरांची तक्रार
या तणावातूनच चार महिन्यांची गर्भवती असलेल्या ऋतुजाने विषारी औषध प्राशन केले. तिला तातडीने उपचारासाठी रुग्णालयात दाखल करण्यात आले, परंतु २७ सप्टेंबर रोजी तिचा मृत्यू झाला.

या प्रकरणी पोलिसांनी सागर चुंबळकर याच्या विरोधात गुन्हा दाखल झाला आहे. पुढील तपास सहायक पोलीस निरीक्षक सागर पाटील करीत आहेत.
UP News : लग्नाच्या बोहल्यावर चढल्यानंतर काही तासातच 75 वर्षीय वृद्धाचा मृत्यू, 35 वर्षीय दुसरी बायको म्हणाली, त्यांनी रात्रभर…
दुसरीकडे, अहिल्यानगरमधीव लोणी येथील प्रवरा मेडिकल ट्रस्टच्या प्रवरा अभिमत विद्यापीठात पदव्युत्तर अभ्यासक्रमात शिक्षण घेणारा विनोदकुमार किशोर गौड या विद्यार्थ्याने आत्महत्या केली. विनोदकुमार वसतिगृहात राहत होता. सोमवारी तेथेच गळफास घेऊन, त्याने आत्महत्या केली. या प्रकरणी समाज माध्यमांमध्ये विविध चर्चा सुरू झाल्याने विद्यापीठाने चौकशी समिती नेमली आहे. चौकशी पूर्ण होईपर्यंत, संस्थेतील बालरोगशास्त्र विभागप्रमुखांना निलंबित करण्यात आल्याची माहिती आहे.