मुलांनी चिकन लॉलीपॉप खाण्याचा हट्ट धरला

पालघर येथील जुना सातपाटी रस्त्यावरील काशीपाडा येथे घोडेला कॉम्प्लेक्स, शाम रिजेन्सी नावाची इमारत आहे. या ठिकाणी पल्लवी धुमडे (वय 40) ही महिला तिचा मुलगा चिन्मय (वय 7) आणि मुलगी लव्या (वय 10) यांच्यासोबत तिच्या बहिणीच्या घरी राहत होती. पतीशी पटत नसल्याने काही महिन्यापूर्वी भाईंदर येथून पालघर शहरानजीकच्या काशीपाडा येथे राहण्यास आली होती. मुलगा चिन्मय आणि लव्या या दोघांनी आई पल्लवीकडे चिकन लॉलीपॉप खाण्यासाठी हट्ट धरला. नवरात्र सुरू असल्याने उपवास आहेत, चिकन लॉलीपॉप मिळणार नाही असे आईने दोनही मुलांना सांगितले.
Pune News: पुण्यात हॉस्टेलमध्येच परिचारिकेने आयुष्य संपवलं, प्रियकरावर गुन्हा दाखल, कारण काय?
मात्र, मुलांनी चिकन लॉलीपॉप खाण्यासाठी आईकडे हट्ट धरला. यावेळी तिच्या राग अनावर झाला आणि आई पल्लवीने दोनही मुलांना लाटण्याने मारहाण केली. या मारहाणीत मुलगा चिन्मयच्या डोक्यात लाकडी लाटणे जोरात लागल्याने तो गंभीर जखमी झाला. त्याला उपचारासाठी पालघर ग्रामीण रुग्णालयात दाखल करण्यात आले, मात्र उपचारादरम्यान सात वर्षाच्या चिन्मयचा मृत्यू झाला आहे. शुक्रवारी (26 सप्टेंबर) रात्रीच्या सुमारास ही घटना घडली आहे. या घटनेमुळे एकच खळबळ उडाली असून परिसरात सर्वत्र हळहळ व्यक्त होत आहे. मुलाला मारहाण करून त्याच्या मृत्यूस कारणीभूत ठरलेली आरोपी आईच्या पल्लवी धुमडे हिच्या विरोधात पालघर पोलीस ठाण्यात खुनाचा गुन्हा दाखल करण्यात आला आहे. आरोपी आईला पोलिसांनी अटक केली असून याप्रकरणी अधिक तपास पालघर पोलीस करीत आहेत. मात्र, या घटनेने परिसरात एकच हळहळ व्यक्त करण्यात येत आहे.