Dharashiv Rain News : राज्यात सर्वत्र पावसाने थैमान मांडलं आहे. अनेकांचे संसार उद्धस्त होत आहे तर, अनेकांच्या शेतातील पिकांचं नुकसान झालं आहे. असंच काहीसं चित्र धाराशिव जिल्ह्यामध्ये पाहायला मिळत आहे. येथील शिला शिरसाट यांच्या कुटुंबातील सर्व साहित्यांचं नुकसान झालं आहे.
मुख्यमंत्री आणि दोन्ही उपमुख्यमंत्र्यांचा दौरा झाल्यानंतर शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे यांनी देखील धाराशिव जिल्ह्यातील कळंब येथील ईटकुर गावाचा दौरा केला. यावेळी, ठाकरे यांनी शिरसाट कुटुंबाला भेट देऊन परिस्थितीची पाहणी केली. त्यांनी कुटुंबाला धीर दिला आणि मदतीचे आश्वासन दिले, मात्र प्रत्यक्ष मदत दिली नाही.
दुतोंड्या मारुती पूर्णपणे बुडाला, नाशिकमध्ये गोदावरीचं पाणी शहरात घुसायला सुरुवात
उद्धव ठाकरे यांच्या दौऱ्यानंतर पालकमंत्री प्रताप सरनाईक यांनी शिरसाट कुटुंबाशी थेट संपर्क साधला. अजित पिंगळे यांच्या माध्यमातून झालेल्या व्हिडिओ कॉलद्वारे त्यांनी तात्काळ मदत पोहोचवली. शिरसाट कुटुंबाला संसारोपयोगी साहित्य वितरित केले गेले, तसेच घराचे नुकसान भरून काढण्यासाठी शासकीय मदतीसोबत वैयक्तिक मदतही दिली जाणार असल्याचे त्यांनी व्हिडिओ कॉलद्वारे सांगितले.
Shirdi Sai Santhan Fund : मराठवाड्यासह सोलापूरला पुराने वेढलं, शिर्डी साई संस्थान मदतीसाठी सरसावलं; अतिवृष्टीग्रस्तांसाठी मोठी मदत
प्रताप सरनाईक यांनी तात्काळ शिरसाट कुटुंबियांना संसारोपयोगी साहित्य वितरित केल्यानंतर उद्धव बाळासाहेब ठाकरे गटाच्या वतीने तात्काळ शिरसाट कुटुंबासाठी घर उभारणीसाठी सिमेंट, वाळू, पत्रे आणि इतर आवश्यक साहित्य पुरवले. या मदतीमुळे शिरसाट कुटुंबाला दोन्ही गटांकडून आधार मिळाला आहे आणि गावकऱ्यांमध्ये समाधानाची भावना व्यक्त होत आहे.
नागपूरसह विदर्भाला यलो अलर्ट
बंगालच्या उपसागरात तयार झालेल्या तीव्र कमी दाबाच्या पट्ट्यामुळे राज्यातील अनेक भागांत पावसाने अक्षरश: धुमाकूळ घातला आहे. त्या तुलनेत विदर्भात मुसळधार पाऊस झालेला नाही. मात्र, दमदार पावसाने हजेरी लावली. यामुळे नवरात्रीत अनेक ठिकाणी सुरू असलेल्या गरबा दांडियातील आनंदावर विरजण पडले. आता तर दसऱ्याच्या दिवशीसुद्धा दमदार पावसाची अपेक्षा असून या दिवशी नागपूरसह संपूर्ण विदर्भाला यलो अलर्ट देण्यात आला आहे.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा