मुलाकडून आई-वडिलांची हत्या

शेतीच्या हिस्से वाटपाच्या वादातून पोटच्या मुलानेच आई-वडिलांची हत्या केल्याची धक्कादायक घटना चिखली तालुक्यातील अमडापूर पोलीस स्टेशन हद्दीतील किन्ही सवडत येथे शनिवारी रात्री घडली. या हत्येनंतर मुलाला कठोर शिक्षा व्हावी, अशी चर्चा चिखली तालुक्यात सुरू आहे.
Jalna News : फिरायला जाण्यास घरुन नकार; 16 वर्षीय मुलाचं भयंकर कृत्य, समोरील दृष्याने आई-वडिलांचा काळीज पिळवटणारा टोहा
महादेव त्रंबक चोपडे, वय ७५ आणि त्यांची पत्नी कलावती महादेव चोपडे, वय वर्ष ७० यांची हत्या झाली. जे वृद्ध आई-वडील आपल्या मुलाकडे वृद्धत्वाची काठी म्हणून पाहात होते, त्याच मुलाने हे कृत्य केल्याने परिसरात संताप व्यक्त होत आहे.
Chandrapur News : दोघे एकत्र जेवले, नंतर एकाची बॉडी नाल्यात; भयंकर घटनेने पोलिसही हैराण, शहरात खळबळ

रागाचा पारा चढला, लाकडी दांडा घेतला आणि…

वृद्ध आई-वडील ज्यांनी पोटच्या मुलांसाठी शेतीवर कर्ज घेत, काळया मातीमध्ये काबाड – कष्ट करत त्यांना वाढवलं त्याच मुलाने त्यांचं आयुष्य संपवलं. मुलाने लाकडी दांड्याने आई – वडिलांची निर्घुणपणे हत्या केली. जो लाकडी दांडा बैल जोडीसाठी, शेतीमध्ये अनेक ठिकाणी उपयोगात येत होता, त्याच दांड्याने मुलाने आपल्या वयोवृद्ध आई – वडिलांचा खून केला.

जमिनीच्या वाटणीतून वाद झाला आणि अनर्थ घडला

मृत महादेव चोपडे यांना दोन मुलं आहेत. त्यांनी दोन्ही मुलांना जमिनीची समान वाटणी करुन दिली. तसंच पत्नीच्या नावावर काही जमीन ठेवली होती. पत्नीच्या नावावर असलेली तीच जमीन विकण्याची दोन भावांमध्ये चर्चा सुरू होती. त्यातूनच धाकटा मुलगा गणेश चोपडे याला राग अनावर झाला आणि त्याने लाकडी दांड्याने दोघांवर हल्ला करत त्यांची हत्या केल्याची माहिती समोर आली आहे. याप्रकरणी पोलीस अधिक तपास करत आहेत.