बीडचे स्थानिक पत्रकार देवेंद्रसिंग सुरजसिंग ढाका (वय 45 वर्षे रा. बलभीम नगर पेठ बीड) यांच्या फिर्यादीवरून गुन्हा दाखल करण्यात आला आहे. त्यांनी दिलेल्या फिर्यादीनुसार ते आणि त्याचे कुटुंब बीड येथे वास्तव्यास असून खाजगी नौकरी करून पोट भरतात. त्यांना दोन मुलं आहेत. मोठा मुलगा यश देवेंद्रसिंग ढाका (वय 20 वर्षे), लहान मुलगा युवराज देवेंद्रसिंग ढाका (वय 17 वर्षे) अशी दोन मुलं आहेत.
Beed Crime: यशला भररस्त्यात संपवलं, बाईक-शूज तसेच पडून; बीड पत्रकाराच्या लेकाच्या हत्येचं गूढ उलगडलं
देवेंद्रसिंग ढाका यांनी दिलेल्या फिर्यादीनुसार, ‘मी नेहमी प्रमाणे 25 सप्टेंबरला सकाळी 11 वाजता कामानिमीत्त घराबाहेर पडलो. तेव्हा यश हा घरीच होता. दुपारी 2.45 वाजता मी यशला फोन केला आणि युवराजला MIDC येथून घरी घेऊन ये असं सांगितंल, तेव्हा यशने मला कळवलं की, माझ्याकडे गाडी नाही मी बाहेर आहे. यावर मी त्याला बोललो की ठीक आहे, मी दुसऱ्या कोणाला तरी पाठवतो, असं म्हणून फोन कट केला. त्यानंतर रात्री 08.30 वाजता मी बीड बस स्थानक येथे असताना चुलत भाऊ अमरसिंग ढाका यांचा फोन आला आणि त्यांनी सांगितले की यशवर माने कॉम्पलेक्स येथे हल्ला झाला आहे. मी तात्काळ माने कॉम्पलेक्स बीड येथे पोहचलो तेव्हा श्री गणेश वॉशिंग कंपनी समोर रस्त्यावर माझा मुलगा यश हा रक्ताच्या थारोळ्यात पडलेला दिसला.’

‘त्याच्या आजुबाजुला लोकांची गर्दी जमली होती. मी त्याला जवळ घेतलं असता त्याच्या छातीवर डाव्या बाजूला धारदार शस्त्राने वार केल्याचे दिसत होते व त्याचा शर्ट-पॅन्ट रक्ताने माखलेला होता. मी त्याच्याशी बराच वेळ बोलण्याचा प्रयत्न केला, परंतु तो काहीच बोलला नाही. तोपर्यंत त्याच्या मित्रांनी रुग्णवाहिकेला कॉल केला. तेव्हा तेथे त्याचे दोन मित्र तिथे उपस्थित होते. त्यांनी मला सांगितले की, सुरज आप्पासाहेब काटे व त्याचे सर्व साथीदाराने यशवर धारदार शस्त्राने वार केले. तेथे थोड्याच वेळात रुग्णवाहिका आली व आम्ही यशला रुग्णवाहिकेतून सरकारी दवाखाना बीड येथे घेऊन गेलो, तेथे डॉक्टरांनी यश ला तपासून तो मयत झाला असल्याचे आम्हाला सांगितलं’.
Beed Crime: वाद मिटवायला गेला अन् पत्रकाराच्या लेकाला क्रूरपणे संपवलं; बीड सुन्न, यशसाठी भरपावसात मित्र रस्त्यावर
ढाका यांच्या तक्रारीनुसार बीड येथील शिवाजीनगर पोलिस ठाण्यात गुन्हा दाखल करण्यात आला आहे. यामध्ये एकूण पाच आरोपींवर 302अंतर्गत गुन्हा दखल करण्यात आला असून एक आरोपी तत्काळ पोलिसांनी ताब्यात घेतला आहे. मात्र, यातील आणखी चार आरोपी अद्यापही फरार आहेत. या फरार आरोपींना ताब्यात घेण्यात यावे याकरता नातेवाईकांनी शिवाजीनगर पोलीस ठाण्यासमोर भर पावसात तब्बल दोन तास रस्ता रोको आंदोलन केले.

मात्र, पोलिसांनी घटनेचे गांभीर्य लक्षात घेता गुन्हा दाखल करत यशच्या मारेकऱ्यांना शोधून अटक करू असे आश्वासन देखील दिले. यावरून मयत यशचा मृतदेह ताब्यात घेत त्याच्यावर सायंकाळी बीड येथील स्मशानभूमीत शोकाकुल परिस्थितीत अंत्यसंस्कार करण्यात आले आहे. यशच्या पश्चात त्याचा लहान भाऊ आई, वडील असा परिवार आहे. या घटनेचा तपास डीवायएसपी पाटील करत असून आरोपींना शोधण्यासाठी एक टीम गेली असल्याचेही सांगण्यात येत आहे.