याविषयी सविस्तर माहिती अशी, की जालना जिल्ह्यातील भोकरदन तालुक्यातील हिसोडा हे दोन ते अडीच हजार लोकसंख्या असलेले गाव. मागील आठ दिवसांपासून परिसरात मुसळधार पाऊस असल्यामुळे वीज पुरवठा खंडित होऊन बत्ती गुल झाली आहे. त्यामुळे प्रत्येक घरातील नागरिक विजेची आतुरतेने वाट पाहत बसले होते.

काल, शुक्रवार दिनांक 26 सप्टेंबर 2025 रोजी रात्री 8 वाजले होते. हिसोडा गावचाच एक तरुण गावातील प्रत्येक घराघरात जाऊन नादुरुस्त झालेली वीज दुरुस्त करण्याचे काम करत होता. यावरच त्याच्या परिवाराचा उदरनिर्वाह चालतो.
Pune Fire : पालक कामावर, पुण्यातील फ्लॅटमध्ये लागलेल्या आगीत होरपळून मुलाचा मृत्यू, आई धावत घरी पोहोचली, पण…
24 वर्षांचा विकी राजु साळवे हा गावाला वीज पुरवठा करणाऱ्या रोहित्राजवळ आला. वीज का नाही याची शहानिशा करु लागला मात्र याच वेळी त्याला विजेचा जोरदार धक्का बसला. त्या ठिकाणी उपस्थित असलेल्या काही ग्रामस्थांनी त्याला तात्काळ रुग्णालयात नेले, परंतु डॉक्टरांनी तपासून त्यास मृत घोषित केले आहे.

ही घटना वाऱ्यासारखी संपूर्ण गावात पसरली व पूर्ण गाव हळहळ व्यक्त करायला लागलं. कारण विकी साळवे हा कोणाच्याही मदतीला तात्काळ धावून जाणारा तरुण होता. अशाचप्रकारे गावाची अंधारातून सुटका करण्यासाठी मदत करायला वीज पुरवठा सुरळीत करण्यासाठी गेला असताना तो आपला जीव गमावून बसला.
Nashik Crime : फोटोग्राफर तरुणीसह मैत्रिणीला हॉटेलात डांबलं, दोघींकडे शरीरसुखाची मागणी; पैसे देईन म्हणजे मोहितकडून तुम्हाला…
या घटनेची माहिती पारध पोलीस ठाण्याचे सहाय्यक पोलीस निरीक्षक संतोष माने यांना देण्यात आली असून याची नोंद पारध पोलीस ठाण्यात करण्यात आली आहे. घटनेचा पुढील तपास पोलीस करत आहेत. या दुर्दैवी घटनेमुळे परिसरावर शोककळा पसरली आहे.