मुसळगाव एमआयडीसी पोलिसांत प्रारंभी अकस्मात मृत्यूची नोंद करण्यात आली होती.‌ मात्र विवाहितेची आई लक्ष्मीबाई मधुकर खैरे (६०, रा. नांदुर्डी, ता. निफाड) यांच्या फिर्यादीवरून पोलिसांनी मनीषा यांचा पती सागर मोहन सानप (३५) याच्याविरोधात आत्महत्येस प्रवृत्त केल्याप्रकरणी गुन्हा दाखल केला. सागर याला न्यायालयाने २९ सप्टेंबरपर्यंत पोलिस कोठडी सुनावली आहे.
Nashik Crime News : अवघ्या काही तासांतच नाशिकमध्ये दुसरी थरारक घटना, पाथर्डी फाट्यावर भरदिवसा तरुणाला जीवे मारलं
मनीषा आणि सागर सानप यांनी कुटुंबीयांच्या विरोधात जाऊन सन २०१५ साली प्रेमविवाह केला होता. त्यानंतर त्यांना मुलगा आयुष (७) व मुलगी अनुष्का (३) ही दोन अपत्ये झाली. मुलगा आयुष मामाच्या गावी शिकायला आहे. तर, मुलगी अनुष्का या दाम्पत्याजवळच होती. बी. एससी. डीएमएलटी. शिक्षण घेतलेल्या मनीषा या सिन्नरच्या एका खासगी रुग्णालयात नोकरी करत होत्या. त्यांचे पती सागर वारंवार दारू पिऊन त्यांच्या चारित्र्यावर संशय घेऊन मारहाण करीत होता. याच कारणावरून बुधवारी रात्री सागर व मनीषा यांच्यात भांडण झाले होते. त्यावेळी सागरने मनीषा यांना मारहाण केली. वारंवार होणाऱ्या जाचाला कंटाळून त्यांनी नऊच्या सुमारास नायगाव येथे घराजवळील विहिरीत मुलीसह उडी घेऊन जीवन संपविले.
चिमुकलीचा जीव वाचवताना मूक महिलेचा शॉक लागून मृत्यू, पोटची दोन लेकरं मातृत्वाला पारखी, नाशिक हळहळलं
घटनेनंतर स्थानिकांनी आई व मुलीला पाण्याबाहेर काढून सिन्नर येथील ग्रामीण उपजिल्हा रुग्णालयात दाखल केले. मात्र, उपचारांपूर्वीच त्यांचा मृत्यू झाला होता. याप्रकरणी पोलिसांनी गुन्हा दाखल करून तपासाला सुरुवात केली आहे. या घटनेने परिसरात हळहळ व्यक्त केली जात आहे.

पाय घसरून गर्भवतीचा नदीत बुडून मृत्यू
सटाणा : बागलाण तालुक्यातील आराई शिवारातील कोकणी पाडा येथे शुक्रवारी सकाळी वैशाली सुनील पवार (२०) या आठ महिन्यांच्या गर्भवतीचा नदीत पाय घसरून बुडून मृत्यू झाला. खेळणाऱ्या काही मुलांना नदीत मृतदेह तरंगताना दिसून आला. त्यानंतर घटना उघड झाली. ग्रामस्थांनी घटनास्थळी धाव घेत तिला तातडीने रुग्णालयात दाखल केले. परंतु, उपचारापूर्वीच तिच्यासह गर्भाचा मृत्यू झाला.