Thane News : महाराष्ट्राच्या राजकारणात कोण कोणत्या पक्षात जाईल, याचा काही नेम नसतो. अशातच ठाण्यातील कळव्यात अजित पवारांना मोठा झटका बसला आहे. कळव्यातील माजी नगरसेवक प्रकाश बर्डे यांनी शरद पवारांच्या राष्ट्रवादीत प्रवेश केला आहे.
गेल्या वर्षी कळवा – मुंब्रा येथील आठ माजी नगरसेवकांनी अजित पवार यांच्या राष्ट्रवादी काँग्रेसमध्ये प्रवेश केला होता. यामध्ये प्रकाश बर्डे यांचा समावेश होता. मात्र अवघ्या वर्षभरातच त्यांनी दादा राष्ट्रवादी काँग्रेसला सोडचिठ्ठी देत जितेंद्र आव्हाड यांच्यासोबत जाण्याचा निर्णय घेत सर्वांनाच धक्का दिला. त्यांनी शेकडो समर्थकांसह स्वगृही परतण्याचा निर्णय घेतला. बर्डे व उत्तर भारतीय सेल अध्यक्ष ठाणे जिल्हाध्यक्ष पंकज पांडे यांच्यासह पदाधिकारी आणि कार्यकर्त्यांचे जितेंद्र आव्हाड यांनी पक्षात स्वागत केले. याप्रसंगी शहराध्यक्ष सुहास देसाई, कार्याध्यक्ष प्रकाश पाटील, महिला कार्याध्यक्ष साबिया मेमन आदी उपस्थित होते.
बँकांच्या नोटीस आल्या तर आमच्याकडे द्या, उद्धव ठाकरे यांचं शेतकऱ्यांना आवाहन
हाडाच्या कार्यकर्त्यांचे स्वागत
कित्येक वर्ष माझ्यासोबत काम केलेले मात्र काही दिवस आमच्यापासून लांब गेलेले माजी नगरसेवक प्रकाश बर्डे आणि पंकज पांड्ये यांनी आज एक चांगला निर्णय घेतला आहे. या हाडाच्या कार्यकर्त्यांचे मी स्वागत करतो, असं आमदार जितेंद्र आव्हाड यांनी म्हटलं.
आव्हाड हे सर्वसमावेशक नेतृत्व
जितेंद्र आव्हाड यांनीच कळवा, मुंब्रा परिसर विकसित केला आहे. कधीकाळी दुर्लक्षित असलेल्या कळवा, मुंब्रा आज मुख्य प्रवाहात आला आहे. तसेच जितेंद्र आव्हाड हे सर्वसमावेशक नेतृत्व आहे. या नेतृत्वावरच आपला विश्वास आहे, असं माजी नगरसेवक प्रकाश बर्डे यांनी म्हटलं आहे.
कोपरगाव हादरलं! दोन गटांमध्ये तुंबळ हाणामारी, 63 जणांवर गुन्हे दाखल; आरोपींमध्ये राष्ट्रवादीच्या आमदाराच्या PAसह अनेक पक्षाचे पदाधिकारी
मुंब्रा-कळव्यातील पाणी समस्येवर जितेंद्र आव्हाड
ठाण्यातील मुंब्रा-कळव्यातील पाणी तुटवड्यावरुन नागरिक संतप्त झाले आहेत. ठाणे पालिका मुख्यालयातील पाणीपुरवठा विभागात नागरिकांचा ठिय्यायावेळी आमदार जितेंद्र आव्हाड आक्रमक झाले, त्यांनी अधिकार्यांना धारेवर धरले. दसऱ्यापर्यंत मुदत देत आहोत नाहीतर सोडणार नाही, असा आव्हाडांनी इशारा दिला.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा