Solapur Flood: सोलापूर शहराच्या मध्यवर्ती भागातून वाहणाऱ्या आदीला नदीचे पाणीसुद्धा १४ कमानीपर्यंत गेले असून आजूबाजूच्या नगरांमध्ये पाणी शिरल्यामुळे नागरिकांना मोठ्या अडचणीला सामोरे जावे लागत आहे.
सोलापूर जिल्ह्यासह मराठवाड्यामध्ये काही दिवसांपासून सातत्याने मोठ्या प्रमाणावर पाऊस पडत असल्यामुळे उजनी धरणामधून भीमा नदीत; तर सीना कोळेगाव प्रकल्पातून सीना नदीत मोठा विसर्ग होत होता. बुधवारी सकाळी विसर्ग कमी करण्यात आला असून, त्यामुळे दिलासा मिळण्याची शक्यता आहे.
Solapur Rain: मराठवाड्यात तुफान पाऊस; सीना नदीला पूर, सोलापूर-पुणे महामार्ग बंद; पुढील तीन दिवस धोक्याचे
सीना नदीमध्ये जवळपास दोन दिवसांत दोन लाखांहून अधिक क्युसेक पाण्याचा विसर्ग सोडण्यात आला होता. सीना कोळेगाव प्रकल्पातून ६४ हजार ५००, खासापुरी प्रकल्पातून ६ हजार ३००, चांदणी प्रकल्पातून ११ हजार १०० असा एकूण ८१ हजार ९०0 क्युसेकचा विसर्ग सुरू आहे. भोगावती नदीमधून २१ हजार ४०० क्यूसेकचा विसर्ग सुरू असल्यामुळे हा विसर्ग दोन लाखांवरून आता १ लाख ३ हजार ३०० क्युसेकवर आला आहे.
सोलापूर जिल्ह्यातील माढा, करमाळा, मोहोळ, पंढरपूर, उत्तर सोलापूर,अक्कलकोट आणि दक्षिण सोलापूर तसेच बार्शी या गावांना मोठा फटका बसला आहे. जिल्ह्याच्या ग्रामीण भागात एनडीआरएफसह लष्कराच्या जवानांकडून मोठ्या प्रमाणावर बचाव कार्याला गती मिळाली आहे. माढा तालुक्यातील दारफळ येथील गावाला पाण्याने वेढा टाकल्यामुळे या पुरात अडकलेल्या जवळपास २२ नागरिकांना लष्कराच्या हेलिकॉप्टरने बुधवारी ‘सत्ता, संपत्ती वाहून गेली, जीव वाचवा… करमाळ्यात आक्रोश’, गावकऱ्याचा काळीज पिळवटून टाकणारा VIDEO
सीना नदीवरील सोलापूर-पुणे, सोलापूर-कोल्हापूर आणि सोलापूर-विजयपूर हे तीन राष्ट्रीय महामार्ग बंद ठेवण्यात आल्यामुळे कित्येक किलोमीटरपर्यंत वाहनांच्या रांगा लागल्या आहेत. याशिवाय प्रवासी वाहतूक वाहनांची सुद्धा मोठी अडचण होऊन बसली आहे. अनेक प्रवासी बसमध्ये अडकून पडले आहेत.
बचावकार्य युद्धपातळीवर
माढा तालुक्यात एनडीआरएफ, लष्करी पथकांची नियुक्ती केली आहे. त्या पथकांकडून बचाव, मदतकार्य सुरू आहे. भारतीय हवामान खात्याने सोलापूर जिल्ह्यासाठी रेड अलर्ट जारी केला आहे. उत्तर सोलापूर (ग्रामीण), माढा, करमाळा, मोहोळ, बार्शी व दक्षिण सोलापूर तालुक्यातील मंदूप येथे पूरस्थिती आहे. त्यामुळे तातडीने शोध व बचावकार्यासाठी विविध पथकांची नियुक्ती केली आहे.
७५ वर्षांतील सर्वांत मोठा पूर
माढा तालुक्यातील सीना नदीला गेल्या ७० ते ७५ वर्षांतील सर्वांत मोठा पूर आला असून, नदीकाठच्या वीसहून अधिक गावांना पाण्याचा वेढा बसला आहे. जवळपास दहा गावांचा संपर्क तुटला असून हजारो लोक पुराच्या पाण्यात अडकले आहेत. आतापर्यंत १६९४ नागरिकांना सुरक्षितस्थळी हलविण्यात आले आहे. दारफळ येथील बरड वस्तीत अडकलेल्या लोकांना हेलिकॉप्टरद्वारे बाहेर काढण्यात आले. पुण्यातून सैन्य दलाची दोन पथके मदतीसाठी रवाना झाली.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा