बाळासाहेब देशमुख हे तरोडा (बु) भागातील रहिवासी असून शिवसेना शिंदे गटात पदाधिकारी आहेत. गुरुवारी मध्यरात्री अडीच वाजेच्या सुमारास देशमुख यांनी पक्षाचे आमदार बालाजी कल्याणकर यांच्या आमदार नगर येथील निवासस्थानी जोरजोराने ओरडत आणि शटरला डोकं आपटून गोंधळ घातला. दरम्यान, घटनेची माहिती मिळताच भाग्यनगर पोलिसांनी घटनास्थळी धाव घेतली. पोलिसांकडून समजवण्याचा प्रयत्न करण्यात आला. पण ते ऐकण्याच्या मनस्थितीत नव्हते. शेवटी पोलिसांनी त्यांना ताब्यात घेऊन पोलिस ठाण्यात आणलं. तिथे देखील बाळासाहेब देशमुख यांनी हुज्जत घातली. शिवाय पोलिसांना अर्वाच्छ भाषेत बोलून शिवीगाळ केल्याचा पोलिसांचा आरोप आहे.

Pune Crime : पुण्यातील नामांकित कॉलेज कॅम्पसमध्ये 65 वर्षीय व्यक्तीची बॉडी, दोन दिवसांपासून होता बेपत्ता; शहरात खळबळ

तसेच स्वतः जवळील पिस्तूलमधून गोळी मारण्याची धमकी दिली. या प्रकरणी सहाय्यक पोलिस निरीक्षक बालाजी महाजन यांच्या तक्रारीवरून माजी नगरसेवक बाळासाहेब देशमुख यांच्या विरुद्ध कलम 132, 296, 121(1), 352, 351(2),85 (ब ) या कलमांतर्गत गुन्हा दाखल करण्यात आला आहे. दरम्यान, त्यांना न्यायालयात हजर केलं असता माजी नगरसेवक बाळासाहेब देशमुख यांना एक दिवसाची पोलिस कोठडी सुनावली आहे.

Kothrud Crime : पुण्यात कोथरूडमध्ये गोळीबार करणाऱ्या घायवळच्या पोरांवर पुणे पोलिसांची मोठी कारवाई

कोण आहेत बाळासाहेब देशमुख?

बाळासाहेब देशमुख हे तरोडा भागातील रहिवासी आहेत. पूर्वी शिवसेना ठाकरे गटात पदाधिकारी होते. 2012 ते 2017 मध्ये प्रभाग क्रमांक 2 तरोडा भागाचे नगरसेवक होते. 2017च्या महापालिकेच्या निवडणुकीत त्यांचा पराभव झाला होता. 2024च्या विधानसभा निवडणुकीपूर्वी त्यांनी ठाकरे गटाची साथ सोडत शिंदे गटाच्या शिवसेनेत प्रवेश केला. पक्षाच्या कार्यक्रमात त्यांनी मानपानावरून नाराजी व्यक्त केली होती. नेमकी नाराजी काय होती आणि कोणत्या नाराजीमुळे मध्यरात्री आमदाराच्या निवासस्थानासमोर गोंधळ घातला? हे मात्र समजू शकलं नाही. पण पोलिसांना गोळी मारण्याची धमकी दिल्यानं खळबळ उडाली आहे.