मुंबई महापालिकेच्या अखत्यारित गिरगाव चौपाटी, दादर शिवाजी पार्क, जुहू, वर्सोवा, अक्सा आणि गोराई चौपाटी येते. या सहा चौपाट्यांवर सध्या १११ जीवरक्षक तैनात आहेत. अनेकदा या चौपाट्यांवर पाण्यात बुडून मृत्युमुखी पडण्याच्या घटना घडतात किंवा त्यातूनही काहींना जीवरक्षकांच्या मदतीने वाचवण्यात यशही मिळते. पोहण्याचा मोह न आवरणे किंवा गणेशोत्सव तसेच, दसऱ्याच्या दिवशी होणारे विसर्जन इत्यादींमध्ये अशा घटना घडतात. भरतीचा अंदाज न आल्यानेही काही जण वाहून जातात. अशा वेळी उपस्थित जीवरक्षकाकडून त्या व्यक्तीचा जीव वाचवण्याचा आटोकाट प्रयत्न केला जातो. मात्र आता त्यांच्या जोडीला ‘रोबोटिक वॉटर रेस्क्यू’ची मदत घेण्याचा निर्णय मुंबई अग्निशमन दलाने घेतला आहे. असे सहा रोबोट सहा चौपाट्यांवर असतील. हे रोबोट रिमोट कंट्रोलने हाताळण्यात येणार आहेत.
BKC ते कफ परेड मेट्रो सुसाट! दीड तासांचा प्रवास अर्ध्या तासावर, थांबे कोणते? तिकीट दर फक्त…
काही महिन्यांपूर्वी या कामासाठी मुंबई महापालिकेने निविदा मागवल्या होत्या. त्यासाठी दोन कंपन्यांनी अर्ज सादर केले होते. त्यात निवडलेली कंपनी तुर्की होती. ही बाब उघड होताच त्याला प्रचंड विरोध झाला होता. भाजपसह अन्य राजकीय पक्षांच्याही टीकेला मुंबई महापालिकेला सामोरे जावे लागले होते. अखेर महापालिकेने ही निविदा रद्द केली होती.
Mumbai Local Mega Block: मुंबईकरांचा रविवारी खोळंबा! मध्य, हार्बर रेल्वेमार्गावर ब्लॉक, Timetable बघूनच घराबाहेर पडा
या सहा चौपाट्यांवर सज्जता
गिरगाव चौपाटी, दादर शिवाजी पार्क, जुहू, वर्सोवा, अक्सा आणि गोराई चौपाटी

वैशिष्ट्ये…

• रिमोट कंट्रोलने रोबो हाताळण्याची सुविधा
• दोन्ही बाजूंना वॉटर जेट असणार
• रोबोची वहनक्षमता २०० किलोग्रॅमपर्यंत
• समुद्रात प्रतितास १८ किमी वेगाने पोहोचू शकणार
• साधारण ८०० मीटर आणि त्याही पेक्षा जास्त लांब जाण्याची क्षमता
• किमान एक तास कार्यरत राहू शकणार. पुन्हा चार्ज करण्याचीही सोय.
• दहा हजार एमएएच क्षमतेच्या रिचार्जेबल बॅटरीचा समावेश