घटना शुक्रवारी रात्री सुमारे सव्वानऊच्या जवळपास सावनेर ते नागपूर मार्गावरील गुरुद्वारा सिद्धीनाग मंदिराजवळ घडली. मृतक करण सिंग एका महिला मैत्रिणीसोबत बोलत असताना अचानक पाच-सहा तरुणांनी त्याला अडवलं. यावेळी आरोपींपैकी एकाने करणच्या पोटात चाकूने वार केला. गंभीर जखमी झालेला करण काही क्षणातच रक्ताच्या थारोळ्यात जमिनीवर कोसळला. हल्ला करून आरोपी घटनास्थळावरून पसार झाले.

जोरजोराने ओरडले, शटरला डोकं आपटलं, आमदाराच्या घराजवळ गोंधळ, पोलिसांना गोळी घालण्याची धमकी; शिंदे गटाच्या माजी नगरसेवकाचा प्रताप

घटनेची माहिती मिळताच सावनेर पोलिस घटनास्थळी दाखल झाले. करण सिंगला तात्काळ रुग्णालयात नेण्यात आलं, परंतु डॉक्टरांनी त्याला तपासून मृत घोषित केलं. प्राथमिक चौकशीत ही हत्या प्रेमाच्या त्रिकोणातून झाल्याचं स्पष्ट झालं आहे. मृतक आणि आरोपींचे परस्पर ओळखीतले संबंध असल्याची माहिती पोलिसांना मिळाली आहे. याप्रकरणी पोलिसांनी पाच जणांना अटक केली असून इतर आरोपींचीही नावं पुढे येत असून त्यांची चौकशी सुरू आहे. तपासात अजून काही व्यक्तींचा सहभाग असल्याची शक्यता व्यक्त केली जात आहे. पोलिसांनी घटनास्थळाजवळील सीसीटीव्ही फुटेजही तपासण्यास सुरुवात केली आहे.

Pune Crime : पुण्यातील नामांकित कॉलेज कॅम्पसमध्ये 65 वर्षीय व्यक्तीची बॉडी, दोन दिवसांपासून होता बेपत्ता; शहरात खळबळ

ही घटना घडल्यानंतर सावनेर शहरात तणावाचं वातावरण निर्माण झालं आहे. प्रेमसंबंधातून उफाळलेली ही रागाची ठिणगी थेट हत्येपर्यंत पोहोचल्यानं स्थानिक नागरिकांमध्ये भीतीचं वातावरण आहे. पोलिस अधीक्षकांनी या प्रकरणात कठोर कारवाई करण्याचं आश्वासन दिलं आहे. सध्या आरोपींना न्यायालयात हजर केलं जाणार असून तपासादरम्यान आणखी नवे धागेदोरे समोर येण्याची शक्यता पोलिसांनी वर्तवली आहे. या घटनेनं पुन्हा एकदा प्रेमसंबंधातून उद्भवणाऱ्या हिंसक घटनांचा प्रश्न ऐरणीवर आला आहे.