शिवसेनाप्रमुख बाळासाहेब ठाकरे यांच्या पत्नी, उद्धव ठाकरे यांच्या मातोश्री मीनाताई ठाकरे यांचा पुतळा मुंबईतील दादर पश्चिम भागातील शिवाजी पार्कच्या एन्ट्री गेटच्या मध्यभागी आहे. माँसाहेब म्हणूनही त्यांना संबोधलं जातं. 1995 मध्ये मीनाताईंचे निधन झाले. त्यानंतर त्यांच्या पवित्र स्मृतींमध्ये या पुतळ्याची उभारणी करण्यात आली. बाळासाहेब ठाकरे यांचे स्मारकही याच परिसरात आहे.

नेमकं काय घडलं?

बुधवारी पहाटे सहा ते सात वाजताच्या सुमारास मीनाताईंच्या पुतळ्याजवळ कोणीतरी लाल रंग फेकून विटंबना करण्याचा प्रयत्न केला. ठाकरे गटाच्या शिवसैनिकांना हा प्रकार लक्षात येताच त्यांनी तातडीने पुतळ्याची सफाई करण्यात आली. लाल रंग हा ऑइल पेंट रंग होता. एखाद्या गर्दुल्याने रंग फेकल्याचा अंदाज पोलिसांनी वर्तवला आहे, मात्र ठाकरे गटाने आक्रमक भूमिका घेत आरोपीचा शोध घेण्याची मागणी केली आहे.
Haresh Keni : कान भरले की स्पष्टीकरण मागायचे, नाराज नेत्याचा भाजपला रामराम, फक्त दोन ओळींचा राजीनामा पाठवला
शिवाजी पार्कसारख्या सकाळीही गजबजलेल्या परिसरात, पोलीस बंदोबस्त असलेल्या भागात हा प्रकार घडल्याने आश्चर्य व्यक्त केले जात आहे. या भागात अनेक जण मॉर्निंग वॉकला येतात, जवळच बालमोहन विद्यामंदिर ही शाळा आहे, त्यामुळे या भागात लोकांची वर्दळ असते.
Parshuram Jadhav : तिशीतल्या मुलाचा मृत्यू, सून पाच महिन्यांची गरोदर अन्… ठाकरेंच्या निष्ठावंत नेत्याची हृदयद्रावक कहाणी, वडिलांचा निरोप घेण्यासाठी…

दोन्ही शिवसेनांकडून आक्रमक भूमिका

ठाकरे गटाचे सचिव मिलिंद नार्वेकर, खासदार अनिल देसाई यांनी परिसराची पाहणी केली. उद्धव ठाकरेंनाही या प्रकरणाची माहिती देण्यात आली आहे. विशेष म्हणजे मनसे अध्यक्ष राज ठाकरे यांचे ‘शिवतीर्थ’ निवासस्थानापासून हाकेच्या अंतरावरच मीनाताई ठाकरे यांचा पुतळा आहे.

दरम्यान, एकनाथ शिंदे यांच्या नेतृत्वातील शिवसेनेचे नेते सदा सरवणकर यांनीही आक्रमक भूमिका घेतली. अशा नतद्रष्टांना शोधून काढून धुलाई करु, असं सरवणकर म्हणाले.