‘मी त्या दिवशी माझ्या दोन मुलांसह प्रवास करत होते. पहाटे साडेपाच वाजता मला जाग आली. त्यावेळी स्वच्छतागृहात जाण्यासाठी मी बूट घालत असतानाच पोलिस गणवेशातील एक माणूस तिथे आला. त्याने माझ्यावर रायफल रोखली आणि तो म्हणाला की- इस देश में रहना है, तो जय माता दी बोलना पडेगा… त्याप्रमाणे मी हळू आवाजात ते शब्द उच्चारले. परंतु आरोपीने ते मोठ्याने म्हणण्यास सांगितले आणि नाही म्हटल्यास गोळी झाडण्याची धमकी दिली’, असे महिलेने ‘व्हिडीओ कॉन्फरन्सिंग’द्वारे न्यायालयासमोर उपस्थित असलेल्या आरोपी चेतनसिंहला ओळखल्यानंतर सांगितले.

‘त्याने रायफल रोखल्यानंतर मी धैर्य एकवटून ती पकडली आणि वरच्या दिशेने वळवली. तसेच, त्याच्याकडे ओळखपत्राविषयी विचारणा केली. तेव्हा, रायफलला हात लावला तर गोळ्या झाडेन, असे त्याने धमकावले. तेव्हा घाबरून मी रायफल सोडल्यानंतर तो पुढे निघून गेला’, असेही महिलेने सांगितले.
शीsss काय घाणेरडे फोटो पाठवलेस, माझ्या नवऱ्याने पाहिलं ना; ‘मालिनी’चा बनाव, मुंबईकर तरुणाला 1 कोटी 73 लाखांना लुबाडलं, आरोपी निघाली बायकोच
आरोपीतर्फे ॲड. जयवंत पाटील यांनी त्या महिलेची उलटतपासणी घेतली. मात्र, मी त्या घटनेविषयी खोटे बोलत नसून बुरखा घातल्यानेच आरोपीने मला लक्ष्य केले, याचा पुनरुच्चार या महिलेने केला.
Sick Leave : सर बरं नाहीये, सुट्टी हवेय! सकाळी 8.37 ला मेसेज, 8.47 ला Cardiac Arrest ने निधन, कुटुंबासह बॉसही धक्क्यात
जयपूर-मुंबई सेंट्रल एक्स्प्रेस रेल्वेगाडीतील गोळीबार व हत्या प्रकरणात बडतर्फ कॉन्स्टेबल चेतनसिंह चौधरी याच्याविरोधातील खटल्याची सुनावणी सुमारे पाच महिन्यांच्या खंडानंतर ऑगस्ट महिन्याच्या सुरुवातीला पुन्हा सुरू झाली. 31 जुलै 2023 रोजी पहाटे या रेल्वेगाडीत सेवेवर असलेल्या चौधरीने कथितरित्या आपल्या सर्व्हिस रायफलमधून गोळीबार करून स्वत:चे वरिष्ठ सहकारी (सहायक उपनिरीक्षक) टिकाराम मीना यांना तसेच तीन प्रवाशांना ठार केले होते. या प्रकरणी पूर्वी आरपीएफचा बडतर्फ हेड कॉन्स्टेबल व चौधरीचा सहकारी नरेंद्र परमार याची साक्ष नोंदवण्यात आली आहे.