शिवाजी मेळ्ळे यांनी वर्षभरापूर्वी मुलांसाठी महादेव कोळी जात प्रमाणपत्र मिळवण्यासाठी अर्ज केला होता. मात्र, प्रमाणपत्र न मिळाल्याने मुलांना शिष्यवृत्ती आणि शैक्षणिक सुविधा मिळत नव्हत्या. कुटुंबाची जबाबदारी आणि मानसिक तणाव यामुळे त्यांनी हे टोकाचे पाऊल उचललं

मृत्यूआधी लिहिली सुसाइट नोट, मृत्यूचं कारण सांगत संपवलं जीवन

‘माझे दोन लेकरं शिकायला आहेत. मी मजुरी करून घर चालवत आहे. लेकराला महादेव कोळ्याचं प्रमाणपत्र मिळत नाही. हे सरकार प्रमाणपत्र देत नाही. म्हणून मी करंटला धरून जीवन संपवतोय.’
Sangli News : गणपती विसर्जन मिरवणुकीत धक्कादायक घटना, वादातून तरुणाला संपवलं; सांगलीत खळबळ
या घटनेने गावात हळहळ व्यक्त होत असून, कोळी महादेव समाजाचं प्रमाणपत्र न मिळाल्याने होणाऱ्या शैक्षणिक नुकसानीबाबत शासनाने तातडीने लक्ष द्यावं, अशी मागणी होत आहे.

हैदराबाद गॅझेटमध्ये कोळी समाजाची आदिवासी म्हणून नोंद

महाराष्ट्र सरकारकडून नुकतंच 2 सप्टेंबर रोजी हैद्राबाद गॅजेट महाराष्ट्रामध्ये लागू करण्यात आलं आहे. या गॅझेटिअरमध्ये कोळी समाजाच्या पुढे आदिवासी म्हणून नोंदी असल्याचं स्पष्ट झालं आहे. यानुसार आम्हाला एसटी प्रवर्गात आरक्षण द्यावं ही मागणी आता जोर धरू लागली आहे. मराठवाड्यातील कोळी बांधव हा फक्त एसटी प्रवर्गात येत नाही, तर उर्वरित महाराष्ट्रातील कोळी बांधव हा एसटी प्रवर्गामध्ये येतो, असं बोललं जात आहे.

जात वैधता प्रमाणपत्र मिळण्याची पद्धत सोपी करा

मागील दोन वर्षापासून या भागांमध्ये सातत्याने मल्हार कोळी आणि महादेव कोळी समाजाने उर्वरित महाराष्ट्र राज्य लागू असेलेले निकष आहेत तेच निकष लावून आम्हाला जात प्रमाणपत्र देण्यात यावं, व्हॅलिडीटी सोपी आणि सहज करावी यासाठी आंदोलन उभं केलं होतं. 17 तारखेला मराठवाडाभर आंदोलनाची हाक देण्यात आली होती. या सर्व पार्श्वभूमीवर ही आत्महत्या आंदोलनाला आणखीन तीव्र करेल अशी चिन्ह आहेत.