प्रणय भोसले हे तेटली (ता. जावली, जि. सातारा) येथील रहिवासी होते. त्यांचा हॉटेल व्यवसाय होता. दोन दिवसांपूर्वी प्रणय यांना आपल्या गाडीचं चाक पंक्चर झाल्याचं लक्षात आलं. त्यावेळी त्यांची गाडी त्यांच्या हॉटेलबाहेरच पार्क होती.

मेकॅनिकला बोलवण्याऐवजी प्रणय स्वतःच गाडीचं पंक्चर झालेलं चाक बदलण्याचा प्रयत्न करत होते. गाडी आणखी वर उचलण्याची गरज वाटल्यामुळे ते गाडीखाली शिरले आणि जॅक पुन्हा वर चढवू लागले. मात्र त्याच वेळी जॅक अचानक सटकून बाजूला पडला आणि गाडी थेट त्याच्या छातीवर पडली.

प्रणय यांच्या किंकाळ्या ऐकून त्यांच्या पत्नीने हॉटेलमधून बाहेर धावत आली. त्यांचे वडीलही तातडीने घटनास्थळी दाखल झाले. दोघांनी गाडी उचलण्याचा आटोकाट प्रयत्न केला, पण त्यांना यश आलं नाही. त्यानंतर लगेच गावकऱ्यांना बोलावून प्रणयला बाहेर काढण्यात आलं. उपचारासाठी दवाखान्यात दाखल करण्यात आलं, परंतु डॉक्टरांनी त्यांना मृत घोषित केलं.
Hyderabad Murder : विवाहितेचा जीव घेतला, घरात आंघोळ करुन कपडे बदलले, पळून जाताना लिफ्टच्या सीसीटीव्हीत निर्लज्जांचे हसरे चेहरे कैद
प्रणय यांचं दोनच वर्षांपूर्वी लग्न झालं होतं. त्यांच्या पश्चात पत्नी, आई, वडील आणि भाऊ असा शोकाकुल परिवार आहे. या घटनेमुळे भोसले कुटुंबावर दुःखाचा डोंगर कोसळला असून तेटली गावात शोककळा पसरली आहे. प्रणय भोसले यांच्या अपघाती निधनाने परिसरात हळहळ व्यक्त होत आहे.
Arjun Saaniya : अर्जुन तेंडुलकरच्या सासुरवाडीत गृहकलह, सानियाच्या आई-वडिलांवर मामाचे गंभीर आरोप, खोटा कॅन्सर…

तीन वाहनांचा मदनवाडीत अपघात

दुसरीकडे, पुण्यात रीलस्टारच्या भरधाव आलिशान गाडीने पाठीमागून धडक दिल्याने दोन गाड्या एकमेकांवर आढळून अपघात झाला. यामध्ये सुदैवाने जीवितहानी झाली नसली तरीही तिन्ही गाड्यांचे प्रचंड नुकसान झाले आहे. पुणे-सोलापूर महामार्गावरील मदनवाडी (सकुंडे वस्ती) हद्दीत गुरुवारी सायंकाळी पाच वाजताच्या सुमारास हा घटना घडली. या प्रकरणी भिगवण पोलिस ठाण्यात गुन्हा दाखल करण्यात आला आहे. प्रतीक राम शिंदे, वय 25, रा. भादलवाडी, ता. इंदापूर, असे गुन्हा दाखल झालेल्या युवकाचे नाव आहे.