विशेष म्हणजे दोन दिवसांपूर्वीच विराजचा वाढदिवस होता. कुटुंबीय आणि मित्र मंडळींसोबत त्याने आनंदात आपला वाढदिवस साजरा केला होता. त्यानंतर अवघ्या दोन दिवसांतच त्याच्या अशा प्रकारे जाण्याने त्याच्या कुटुंबाला मोठा धक्का बसला आहे. तर, या घटनेने धुळ्यात हळहळ व्यक्त केली जात आहे.

विराजने आपल्या आयुष्याची अखेर केली त्या दिवशी तो घरी एकटाच होता. कुटुंबीय बाहेर गेलेले असताना त्याने घरात गळफास घेऊन आपले आयुष्य संपवले. काही वेळानंतर जेव्हा कुटुंबीय घरी परतले, तेव्हा त्यांना हा प्रकार लक्षात आला. लेकाला गळफास घेतलेलं पाहून आई-वडिलांच्या पायाखालची जमीनच सरकली. त्यांनी तात्काळ विराजला खाली उतरवलं आणि जवळच्या खाजगी रुग्णालयात दाखल केले. मात्र, तोपर्यंत खूप उशीर झालेला होता.
‘लहान नको, मोठा हॉल पाहिजे, लग्नात गुलाबजाम हवंय’; सासरच्या जाचाला कंटाळून स्वत:ला संपवलं, मयुरीचा मृतदेह बघताच आईचा आक्रोश
रुग्णालयात डॉक्टरांनी तपासणीअंती विराजचा मृत्यू आधीच झाल्याचे घोषित केले आणि कुटुंबाने एकच हंबरडा फोडला. विराजने हे टोकाचं पाऊल का उचललं याचं कारण अद्याप स्पष्ट झालेलं नाही. शहर पोलिस ठाण्यात याप्रकरणी रात्री उशिरा अकस्मात मृत्यूची नोंद करण्यात आली आहे. पोलिसांनी घटनेचा अधिक तपास सुरू केला असून, त्याच्या या निर्णयाच्या कारणाचा शोध घेण्याचे प्रयत्न सुरू आहेत. दरम्यान, विराज शिंदेच्या मृत्यूने धुळ्यात एकच खळबळ उडाली आहे.

करोनात भाऊ गेला, आता लेक, सोनली शिंदेंवर दु:खाचा डोंगर

करोना काळात माजी स्थायी सभापती सोनली शिंदे यांच्या परिवारावर दुःखाचा डोंगर कोसळला होता. पूर्णामध्ये त्यांचा लहान भाऊ दगावला होता, कुठेतरी ते दुःख सोनल शिंदे सावरता सावरता अचानक मुलगा दगावल्याने अजून दुःखदायक घटना सोनल शिंदे यांच्या परिवारात घडली आहे,.