उरण पोलिसांनी दिलेल्या माहितीनुसार पीडित मुलगी रसायनी येथे राहण्यास असून तिच्यावर लैंगिक अत्याचार करणारा 16 वर्षीय अल्पवयीन मुलगा उरणमध्ये वास्तव्यास आहे. या दोघांनी आपले शिक्षण अर्धवट सोडले असून जानेवारी 2024 मध्ये या दोघांची इंस्टाग्रामवर ओळख झाली होती. त्यानंतर त्यांच्यामध्ये प्रेमसंबंध निर्माण झाले होते.

पीडित मुलीच्या आई वडिलांना काही महिन्यांपूर्वी याबाबतची माहिती समजल्यानंतर त्यांनी उरण येथील अल्पवयीन मुलाच्या घरी जाऊन त्याच्या कुटुंबीयांची भेट घेतली होती. त्यावेळी अल्पवयीन मुलाने पीडित मुलीसोबत लग्न करण्याची इच्छा व्यक्त केली. पीडितेच्या आई वडिलांनी मुलीचे वय पूर्ण झाल्यानंतर तिचे लग्न मुलासोबत लावून देण्याची तयारी दर्शवली होती. तसेच तोपर्यंत पीडित मुलीला अल्पवयीन मुलाच्या घरी ठेवले होते.
Pooja Gaikwad पोलीस कोठडीत, पण रील्सवर लाईक्सचा पाऊस, दोन दिवसात इन्स्टा फॉलोअर्स 45 पट वाढले, कारण…
दरम्यान, पीडित मुलगी गरोदर राहिली. त्यामुळे अल्पवयीन मुलाने व त्याच्या कुटुंबीयांनी पीडित मुलीसोबत लग्न करण्यास नकार देऊन तिला घरातून हाकलून दिले. त्यानंतर पीडित मुलगी रसायनी येथील आपल्या आई वडिलांच्या घरी गेल्यानंतर तिने रसायनी पोलीस ठाण्यात तक्रार दाखल केला आहे.

त्यानुसार पोलिसांनी अल्पवयीन मुलाविरोधात लग्नाचे आमिष दाखवून बलात्कार केल्याप्रकरणी तसेच पोक्सो कलमानुसार गुन्हा दाखल करून सदरचा गुन्हा पुढील तपासासाठी उरण पोलिसांकडे वर्ग केला. उरण पोलिस या प्रकरणातील अल्पवयीन मुलाला ताब्यात घेऊन त्याची बाल सुधारगृहात रवानगी केली आहे.
नेपाळमधील हिंसाचाराचा पहिला भारतीय बळी, तीर्थयात्रेवरील दाम्पत्य हॉटेलच्या आगीत अडकलं, महिलेचा मृत्यू; उद्विग्न मुलगा म्हणतो आईची काय चूक?

मुलाचा खून; आईसह प्रियकराला जन्मठेप

दुसरीकडे, यवतमाळमध्ये प्रेमात अडसर ठरणाऱ्या मुलाचा प्रियकराच्या मदतीने खून केला. या प्रकरणात आईसह तिच्या प्रियकराला जिल्हा व सत्र न्यायधीश तथा अतिरिक्त्त सत्र न्यायधीश एस. यू. बघेले यांनी जन्मठेपेची शिक्षा ठोठावली आहे. कमल दगडू चव्हाण (३०) रा. मोझर (नेर) असे मृताचे नाव आहे. तर शोभा दगडू चव्हाण (५०) व नरेंद्र ज्ञानेश्वर ढेंगाळे (४५) अशी आरोपींची नावे आहेत.