दसरा मेळाव्याला शिवाजी पार्क मैदानावर परवानगी मिळावी यासाठी शिवसेना उबाठा पक्षाच्या नेत्यांनी मुंबई महापालिकेशी पत्रव्यवहार केला होता. त्या पत्रव्यवहाराला महापालिकेकडून उत्तर मिळाले असून, महापालिकेने या मेळाव्याला परवानगी दिली आहे. उद्धव ठाकरे यांच्यासह पक्षाचे प्रमुख नेते कार्यकर्त्यांना मार्गदर्शन करतील. पक्षाचे नेते सचिन अहिर यांनी हा मेळावा ‘न भूतो न भविष्यति’ असा असेल, असे सूचक विधान केले आहे.
‘आमची आझाद मैदानावर फसवणूक’, मराठा वकील योगेश केदार यांची भूमिका, विखे पाटील यांच्यासोबत भेटीत काय घडलं?
शिवसेनेचा दसरा मेळावा आझाद मैदानावर
शिवसेनेच्या दसरा मेळाव्यासाठी वरळी डोम आणि आझाद मैदान या दोन्ही जागेची चाचपणी पक्षाच्या वतीने सुरू होती. मात्र आता आझाद मैदानात परवानगी मिळविण्यासाठी शिवसेनेने पत्रव्यवहार सुरू केला असून, शिवसेनेचा दसरा मेळावा आझाद मैदानावर होण्यावर जवळपास शिक्कामोर्तब झाले आहे. वरळी डोममध्ये जागा कमी पडेल म्हणून आझाद मैदानाला पक्षाने पसंती दिल्याचे सांगण्यात येत आहे.
राज ठाकरे दादूकडे ‘मनसे’ मागणी करण्याच्या तयारीत; ठाकरेसेनेला धास्ती, खरंच होणार का युती?
मनसे घेणार आयुक्तांची भेट
आगामी स्थानिक स्वराज्य संस्थांच्या निवडणुकांच्या पार्श्वभूमीवर अद्ययावत मतदार याद्या लवकरात लवकर प्रसिद्ध कराव्यात या मागणीसाठी महाराष्ट्र नवनिर्माण सेनेचे शिष्टमंडळ लवकरच निवडणूक आयोगाची भेट घेणार असल्याची माहिती पक्षाचे नेते बाळा नांदगावकर यांनी गुरुवारी दिली . पक्षातंर्गत असलेल्या बीएलओसह इतर नेमणुका त्वरित जाहीर करण्याची सूचनाही पक्षाचे अध्यक्ष राज ठाकरे यांनी यावेळी दिल्याचे नांदगावकर यांनी प्रसारमाध्यमांशी बोलताना स्पष्ट केले. मुंबई महानगरपालिका निवडणुका आणि इतर स्थानिक स्वराज्य संस्थांच्या निवडणुकींच्या पार्श्वभूमीवर राज ठाकरे यांनी पक्षाचे नेतेमंडळी आणि इतर प्रमुख पदाधिकाऱ्यांची विशेष बैठक शिवतीर्थ या त्यांच्या निवासस्थानी आयोजित केली होती.