Solapur Upsarpanch Death Case : पूजा गायकवाडच्या इन्स्टाग्रामवर फॉलोअर्समध्ये अचानक वाढ झाली असून दोन दिवसांत हा आकडा 18 हजारांवर पोहोचला आहे
इंस्टाग्रामवर पूजाचे फॉलोअर्स वाढले
पूजा गायकवाड हिच्या इन्स्टाग्रामवर फॉलोअर्समध्ये अचानक वाढ झाल्याचे दिसून आले आहे. दोन दिवसांत हा आकडा 18 हजारांवर पोहोचला आहे. दोन दिवसांपूर्वी जेमतेम 500 ते 700 वर असलेला आकडा आज 12 सप्टेंबर रोजी सकाळी सात वाजेपर्यंत जवळपास 45 पटींनी वाढून 22 हजार 700 च्या पलिकडे गेला आहे. दररोज दिवसभरात फॉलोअर्स हजारोंच्या संख्येने वाढ होतच चालली आहे. याला कारण ठरले आहेत तिचे व्हायरल होणारे व्हिडिओ.
Solapur Upsarpanch Case : अवघ्या 21 वर्षांच्या पूजाने गोविंदसोबत… मयत माजी उपसरपंचाच्या मित्राचे धक्कादायक गौप्यस्फोट
इंस्टाग्रामवर पूजाचे नृत्य करतानाचे अनेक व्हिडिओ पाहायला मिळत आहेत. तर गोविंद बर्गेच्या मृत्यूपूर्वीच तिने इंस्टाला ठेवलेली स्टोरी देखील चर्चेत आहे. माझ्याकडे तुझ्यासारखे चार आहेत, अशा आशयाचा व्हिडिओ रीलही दिसून येतो. पूजाने आपल्या इंस्टा अकाऊंटवरुन आत्तापर्यंत 30 पोस्ट केल्या असून व्हिडिओमध्ये ती डान्स करताना, 500 रुपयांच्या नोटासह रिल्स बनवताना दिसून येत आहे.
अजित पवार आणि DYSP अंजना कृष्णा यांच्यातील वाद, कुणी केली पाठराखण?
गोविंद बर्गे यांनी नर्तकी पूजा गायकवाडवर पैसे, सोनं सगळं काही उधळलं होतं. तिने जे जे मागितलं ते सगळं तिला दिलं. पण, जेव्हा पूजाने गोविंदचं घरचं मागितलं तेव्हा गोविंदला धक्का बसला. त्याने पूजाला राहतं घर देण्यास नकार दिला. त्यामुळे चिडलेल्या पूजाने त्याच्याशी बोलणं बंद केलं. कालपर्यंत आपलं ऐकणारी पूजा अचानक अशी का वागतेय, हे गोविंद बर्गेंना समजेनासं झालं.Pooja Gaikwad VIDEO : माझ्याकडे तु्झ्यासारखे चार आहेत; गोविंद बर्गेंनी जीव दिला, पूजा गायकवाडचा ‘तो’ व्हिडिओ चर्चेत
चार ते पाच दिवस झाले. पूजा गोविंद यांचा फोन घेत नव्हती. एवढंच नाहीतर तिने गोविंदला बलात्काराचा गुन्हा दाखल करण्याची धमकी सुद्धा दिली होती. पूजाने धमकी दिल्यामुळे गोविंद हे उद्गिग्न झाले होते. त्यामुळे गोविंद हे गेवराईतून निघाले आणि बार्शीतील वैराग इथं येऊन आत्महत्या केल्याने सोलापूर आणि बीड जिल्ह्यात खळबळ उडाली आहे.पूजा गायकवाडला वैराग पोलिसांनी ताब्यात घेतले असून सध्या ती पोलीस कोठडीत असून पोलीस कसून तपास करत आहेत.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा