सोलापूर शहरातील घरे आणि रस्ते पाण्यात असून, महामार्गाला तळ्याचे स्वरूप आले आहे. सोलापूर शहरातील विडी घरकुल, शेळगी, अक्कलकोट रस्ता आदी भागाला पावसाचा मोठा तडाखा बसला. महापालिकेचे प्रशासन अधिकारी विठ्ठल ढेपे यांनी खबरदारीचा उपाय म्हणून या भागातील शाळांना गुरुवारी सुट्टी जाहीर केली आहे. सोलापुरात पुढील चार दिवस मुसळधार पावसाचा अंदाज व्यक्त करण्यात आला आहे.
‘छमछम’च्या बैठकीत सोलापुरात पुन्हा राडा; नर्तकीच्या डान्सवरून दोन गटात वाद, एकाने अचानक गोळी झाडली अन् नंतर…
शहरातून वाहणारी आदिला नदी दुथडी भरून वाहू लागली असून, परिसरातील नागरिकांना दक्षतेचा इशारा देण्यात आला आहे. ग्रामीण भागातील अक्कलकोट, दक्षिण सोलापूर, उत्तर सोलापूर आदी ठिकाणी शेतीला मोठा फटका बसला असून, बळीराजाचे कंबरडे मोडले आहे. अक्कलकोट; तसेच होटगी भागात ५० ते ६० मिलीमीटर पाऊस झाल्याचा अंदाज आहे. ओढ्याचे पाणी महामार्गावर येऊन सोलापूर – धुळे मार्गावरील वाहतूक धीम्या गतीने सुरू आहे.
Pooja Gaikwad VIDEO : माझ्याकडे तु्झ्यासारखे चार आहेत; गोविंद बर्गेंनी जीव दिला, पूजा गायकवाडचा ‘तो’ व्हिडिओ चर्चेत
नागरिकांचे आंदोलन
सोलापूर शहरातील शिवगंगानगर येथे पावसाचे पाणी घरात शिरल्यामुळे नागरिक संतापले. सोलापूर महापालिकेला तक्रार करूनही, दोन वेळा जनता अदालतीमध्ये आयुक्तांना निवेदन देऊनही शिवगंगा नगरमधील नागरिकांच्या तक्रारीची दखल घेतली गेलेली नाही. त्यामुळे गुरुवारी लोकांनी त्यांच्या घरासमोर पावसाच्या साचलेल्या पाण्यात उभे राहून फुलांचा वर्षाव करून शांततेने आंदोलन केले. महापालिकेने त्वरित दखल घेऊन समस्या सोडवावी; अन्यथा आगामी महापालिकेच्या मतदानावर बहिष्कार घालू, असा इशारा देण्यात आला.