Kolhapur Old Lady Murder case : श्रीमंती हरी रेवडेकर ही वृद्ध महिला 7 सप्टेंबरला अचानक घरातून बेपत्ता झाली होती. ग्रामस्थांनी शोधाशोध सुरू केली असता त्यांचा मृतदेह गावातल्या गोबरगॅस टाकीत आढळला होता.
पनोरी गावातील श्रीमंती हरी रेवडेकर (वय 73) या वृद्ध महिला 7 सप्टेंबरला अचानक घरातून बेपत्ता झाल्या होत्या. ग्रामस्थांनी शोधाशोध सुरू केली असता त्यांचा मृतदेह गावातल्या गोबरगॅस टाकीमध्ये आढळला होता. पोलिसांनी मृतदेह बाहेर काढून तपासणी केली असता त्यांच्या डोक्यात मारहाणीच्या खुणा असल्याने हा मृत्यू अपघाती नसून खून असल्याचे तपासात स्पष्ट झाले. या प्रकरणी त्यांचा दत्तक मुलगा अमित रेवडेकर यांनी राधानगरी पोलिस ठाण्यात फिर्याद दिली होती. पोलिसांनी गुन्हा दाखल करून कसून चौकशी सुरू केली.
अनंत चतुर्दशीच्या मिरवणुकीवेळी घडली घटना
जिल्हा पोलीस अधीक्षक योगेश कुमार यांनी घटनेचे गांभीर्य लक्षात घेऊन स्थानिक गुन्हे अन्वेषण शाखेला समांतर तपास करण्याच्या सूचना दिल्या होत्या. त्यानुसार पोलीस निरीक्षक रविंद्र कळमकर यांच्या मार्गदर्शनाखालील पथकाने घटनास्थळाची पाहणी केली. चौकशीत हे स्पष्ट झाले की खून अनंत चतुर्दशीच्या दिवशी रात्री 10 ते 12 दरम्यान झाला होता. त्यावेळी गावात गणेश विसर्जनाची मिरवणूक सुरू असल्याने बहुतेक नागरिक बाहेर होते. त्यामुळे आरोपींनी हाच मुहूर्त साधला होता.
सीसीटीव्ही फुटेजच्या आधारे तपास
पोलिसांनी गावातील सीसीटीव्ही फुटेज तपासले, माहितीदारांकडून माहिती काढली. तसेच गावात केलेल्या चौकशीतून अभिजित मारुती पाटील व कपिल भगवान पातले (दोघेही वय 34, रा. पनोरी) हे संशयाच्या भोवऱ्यात आले. आर्थिक अडचणींना सामोरे जात असलेल्या या दोघांनी पोलिसांनी अधिक चौकशी केली असता कबुल केले की, गेल्या महिनाभरापासून त्यांनी वृद्धेचे दागिने चोरण्याचा कट रचला होता.
कसा केला खून?
पोलीस चौकशीत उघड झाले आहे की, 26 सप्टेंबरच्या रात्री गावातील मिरवणुकीच्या गडबडीत दोघेही महिला घरी एकटी असल्याची खात्री करून मागील दरवाज्यातून घरात शिरले. दागिने हिसकावण्याच्या प्रयत्नात श्रीमंती यांनी प्रतिकार केला. रागाच्या भरात आरोपींनी त्यांच्या डोक्यावर वार करून निर्दयीपणे खून केला. नंतर अंगावरील दागिने काढून प्रेत साडीमध्ये गुंडाळले आणि शेजाऱ्यांच्या घरामागील गोबरगॅस टाकीत टाकून दिले होते.
Crime News : शिक्षिकेने ओढणी झटकत इशारा केला, जिल्हा परिषद शाळेचा मुख्याध्यापक रंगेहाथ सापडला, कारण ठरली…
पोलिसांनी दोन्ही आरोपींना ताब्यात घेतले असून त्यांच्यावर गुन्हा दाखल करण्यात आला आहे. पुढील तपास पोलीस निरीक्षक संतोष गोरे हे करीत आहेत. या संपूर्ण तपासात पोलीस निरीक्षक कळमकर, सहा. पोलीस निरीक्षक सागर बाघ, तसेच राधानगरी पोलिस व स्थानिक गुन्हे अन्वेषण शाखेचे पथक सहभागी झाले.
Raj Thackeray-Uddhav Thackeray Meet : BMCच्या निमित्तानं राज-उद्धव यांच्यात चर्चा, पहिलीच राजकीय भेट
Solapur Upsarpanch Case : अवघ्या 21 वर्षांच्या पूजाने गोविंदसोबत… मयत माजी उपसरपंचाच्या मित्राचे धक्कादायक गौप्यस्फोट
दरम्यान पोलिसांच्या याप्रकरणी करण्यात आलेल्या तपासामुळे आणि कारवाईमुळे गावात पसरलेली भीती थोडी कमी झाली आहे. पोलिसांनी अत्यंत कौशल्याने केवळ काही दिवसांत हत्येचे गूढ उलगडून आरोपींना गजाआड केले आहे.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा