आनंद सावंत हे नांदेड जिल्हा परिषदेत कनिष्ठ प्रशासन अधिकारी म्हणून कार्यरत आहे. नुकतीच त्यांची बदली दुसऱ्या विभागात करण्यात आली. या बदलीमुळे सावंत नाराज होते. अनेकांसमोर त्यांनी आपली नाराजी व्यक्त केली होती. आपली दुसऱ्या विभागात बदली केल्याने सावंत यांचा पारा चांगलाच चढला आणि रागातून त्यांनी मध्यरात्री २ वाजता जिल्हा परिषदेच्या मुख्य कार्यकारी अधिकाऱ्यांच्या मोबाईलवर राजकीय नेत्यांची ओळख सांगून अश्लील भाषेत धमकीचे मेसेज व्हॉट्सअपवर पाठवले.
Solapur Upsarpanch Case : अवघ्या 21 वर्षांच्या पूजाने गोविंदसोबत… मयत माजी उपसरपंचाच्या मित्राचे धक्कादायक गौप्यस्फोट
एवढ्यावरच न थांबता अधिकारी महाशयाने विभाग प्रमुखांच्या ग्रुपवरही मेसेज केला. या प्रकाराचा जिल्हा परिषदेत चर्चा विषय बनला होता. दरम्यान याची गंभीर दखल घेत मुख्य कार्यकारी अधिकाऱ्यांनी वर्तणूक नियमांचा भंग केल्याचा ठपका ठेवत आनंद सावंत यांच्या निलंबनाचे आदेश पारीत केले. सदर कारवाईमुळे जिल्हा परिषदेत एकच खळबळ उडाली आहे.
Crime News : शिक्षिकेने ओढणी झटकत इशारा केला, जिल्हा परिषद शाळेचा मुख्याध्यापक रंगेहाथ सापडला, कारण ठरली…

मुलाच्या नोकरीसाठी आईचे जिल्हा परिषदे समोर अमरण उपोषण

आपल्या मुलाला अनुकंपा तत्वावर नोकरीवर घेण्याच्या मागणीसाठी एका महिलेने जिल्हा परिषद कार्यालया समोर अमरण उपोषण सुरु केले. वंदना सिरसे असं उपोषणकर्त्या महिलेचे नाव आहे. वंदना सिरसे यांचे पती नायगाव तालुक्यातील कोलंबी येथील शंकरराव चव्हाण हायस्कूल येथे पर्यवेक्षक पदावर कार्यरत होते. सेवेत असताना त्यांचे निधन झाले. त्यांच्या जागेवर मुलाला घेण्याचे आश्वासन संस्थेच्या पदाधिकाऱ्यांनी दिले होते, पण नोकरीवर काही घेतले नाही. त्यामुळे वंदना सिरसे यांनी जिल्हा परिषदेसमोर आमरण उपोषण सुरु केले आहे. मागील तीन दिवसापासून उपोषण सुरु असून जिल्हा परिषदेकडून कुठलीच दखल घेण्यात आली नाहीये.