वडिलांकडून मुलीवर अत्याचार

पुण्यातील कोंढव्यात एका 14 वर्षीय अल्पवयीन मुलीवर चार महिने अत्याचार करणाऱ्या नराधम बापाला पोलिसांनी अटक केली आहे. पुण्यातील कोंढवा परिसरात असणाऱ्या काकडीवस्ती येथे एक नराधम बाप आपल्या 14 वर्षे अल्पवयीन मुलीवर चार महिन्यांपासून अत्याचार करत असल्याची माहिती गनिमीकावा संघटनेच्या पदाधिकाऱ्यांना मिळाली होता. ही माहिती मिळाल्यानंतर या संघटनेच्या पदाधिकाऱ्यांनी स्थानिकांच्या मदतीने या नराधमाला पकडले. त्यानंतर बेदम चोप देऊन त्याला पोलिसांच्या हवाली केले.
Pune Crime : शाळकरी मुलाने मुलीला स्कूटीवर घरी सोडलं, कुटुंबियांचा राग अनावर, विद्यार्थ्याला मारहाण करत गोळीबार

मुलीची वैद्यकीय चाचणी करुन समुपदेशन सुरू

स्थानिक नागरिकांनी या नराधम पित्याला पोलिसांच्या हवाली केल्यानंतर कोंढवा पोलिसांनी या प्रकरणाची गंभीर दखल घेतली. या नराधमावर पोस्को अंतर्गत गुन्हा दाखल केला आहे. तर पीडित मुलीची वैद्यकीय चाचणी करण्यात आली असून तिचे मानसिक स्वास्थ्य सुधारण्यासाठी तिच्यासाठी समुपदेशनाची सोय करण्यात आली आहे. एकीकडे गेल्या काही दिवसांपासून टोळी युद्धाने पुणे हादरलं असून दुसरीकडे अशा पद्धतीने नात्याला काळीमा फासणारी घटना घडल्यामुळे पुण्यात एकच खळबळ उडाली आहे. वडिलांनी मुलीवर अत्याचार केल्याच्या घटनेने शहरात रोष, संताप व्यक्त होत आहे.

पुणयात गुन्हेगारीच्या प्रकरणात मोठी वाढ

पुणे ही राज्याची सांस्कृतिक राजधानी असून क्रांतीज्योती सावित्रीबाई फुले यांनी मुलींच्या शिक्षणाची मुहूर्तमेढ सुद्धा पुण्यातच रोवली. मात्र आता पुण्यात या घटनेनंतर पुन्हा एकदा मुलींच्या संरक्षणाचा प्रश्न ऐरणीवर आला आहे. एकीकडे पुण्यात मुलींसाठी संरक्षित वातावरण तयार करण्यासाठी पुणे पोलीस उभे असताना दुसरीकडे घरामध्येच अशा पद्धतीने नराधम बापाने आपल्याच अल्पवयीन मुलीवर अत्याचार केल्याने सर्वच स्तरातून संताप व्यक्त केला जात आहे.