रिलायन्स उद्योगाने विकास व वापराबाबत १५ वर्षापूर्वी येथील विमानतळ भाडेतत्त्वावर चालविण्यास दिले होते. मात्र, विमानतळाची देखभाल दुरूस्तीकडे दुर्लक्ष केले होते. त्यामुळे महाराष्ट्र औद्योगिक विकास महामंडळाने रिलायन्सकडून परत घेऊन ते महाराष्ट्र एअरपोर्ट डेव्हलपमेंट कंपनीकडे हस्तांतरीत केले. यावेळी कंपनीच्या अधिका-यांनी केलेल्या पाहणीत धावपट्टीबाबत नाराजी व्यक्त केली होती. त्यानंतर २२ ऑगस्टपासून येथील सेवा तात्काळ बंद करण्याच्या सूचना ‘डिजीसीए’ने दिल्या होत्या. या काळात प्रवाशांना मोठ्या गैरसोयीला तोंड द्यावे लागले. याकाळात सर्वस्तरातून दबावही वाढत होता. धावपट्टी नुतनीकरणाचे काम युद्धपातळीवर पूर्ण करण्यात आले असून बुधवारपासून पुन्हा सेवेला सुरूवात होणार असल्याचे सांगण्यात आले आहे. दरम्यान स्टार एअरलाईन्स या कंपनीने नांदेडहून बंगळूरू, अहमदाबाद, हिंडन, भूज, जालंधर, हैदराबाद, पुणे, सेवा सुरू केली. अल्पावधीतच प्रवाशांचा प्रतिसाद मिळाला आहे. दरम्यान, ‘फ्लाय ९१’ कंपनीकडून जुलैमध्ये नांदेडहून गोवा, बंगळूर विमानसेवा सुरू करण्याचा निर्णय घेतला होता. आता विमानताळाच्या दुरूस्तीनंतरच या सेवा सुरू होतील, अशी अपेक्षा प्रवाशांमधून व्यक्त होत आहे.
पनवेल-बोरिवली-वसईमार्गे लोकलची नवी मार्गिका; विरारपर्यंत खास लाइन, नव्या कॉरिडोरचा कसा होणार फायदा?

खासदार चव्हाणांची सोशल मीडिया पोस्ट

नांदेडच्या श्री गुरु गोबिंदसिंघजी विमानतळावरील धावपट्टीच्या दुरुस्तीचे काम पूर्ण झाले असून, डीजीसीएने धावपट्टी पुन्हा वापरण्यासाठी मंजुरी दिली आहे. मुख्यमंत्री देवेंद्र फडणवीस, नागरी उड्डयन मंत्री के राममोहन नायडू व केंद्रीय नागरी उड्डयन राज्यमंत्री मुरलीधर मोहोळ यांनी पुढाकार घेऊन महाराष्ट्र विमानतळ विकास प्राधिकरणाच्या माध्यमातून धावपट्टी दुरुस्तीचे काम तातडीने पूर्ण केल्याबद्दल मी त्यांचा मनःपूर्वक आभारी आहे. नांदेडच्या सर्व विमानसेवा बुधवार पासून पूर्ववत होणार असल्याची माहिती संबंधित विमान कंपनीच्या सूत्रांनी दिली आहे.

खासदार गोपछडेंनी मानले आभार

देश विदेशातून गुरुद्वारा तख्त सचखंड हजूर साहिब येथे दर्शनासाठी आवागमन करणारे यात्री या विमान सेवेचा पुन्हा लाभ घेऊ शकतील तसेच विकसनशील नांदेड शहरातून आवागमन करणारे सर्व प्रकारचे प्रवासी उद्योजक, व्यापारी, विद्यार्थी, एन.आर.आई., शासकीय अधिकारी, प्रगतीशील शेतकरी आदींनी या सुरु झालेल्या सेवेचा लाभ घ्यावा, असे आवाहन राज्यसभा खासदार डॉ. अजित गोपछडे यांनी केले आहे. नांदेड विमानतळाची तात्काळ दुरुस्ती करून पूर्ववत चालू केल्याबद्दल पंतप्रधान नरेंद्र मोदी, मुख्यमंत्री देवेंद्र फडणवीस, विमान मंत्री राममोहन नायडू, विमान राज्य मंत्री मुरलीधर मोहोळ आदींचे त्‍यांनी आभार मानले.