पोलिसांच्या माहितीनुसार, मृत राजेंद्र यांचे बंधू अनिल परदेशी (रा. सातपूर) यांनी फिर्याद दिली आहे. त्यानुसार श्यामराव पाटील उर्फ गिरणारकर (वय ५३, रा. दुगाव, नाशिक), मोहन खोडे (४५, रा. अथर्व रेसिडेन्सी, शिवाजीनगर), नंदू बच्छाव (रा. बागलाण) या संशयितांविरुद्ध गुन्हा नोंद आहे. राजेंद्र हे सातपूर एमआयडीसीतल्या एका कंपनीत कंत्राटी कामगार होते. त्यांनी सन २०२१ ते २०२२ या वर्षात घरखर्चासह इतर कामांसाठी अवैध सावकारांकडून सहा टक्क्यांनी ४ लाख ७० हजार, तर चार टक्क्यांनी ३ लाख रुपये घेतले होते. त्यापैकी काही रक्कम राजेंद्र यांनी व्याजासह ऑनलाइन व रोख स्वरुपात परत केली होती. मात्र, तीन संशयितांनी मानसिक छळ करून त्यांच्याकडे ‘वसुली’साठी तगादा लावला. त्यामुळे त्रासलेल्या राजेंद्र यांनी विषारी औषध प्राशन केले.
नाशिककरांसाठी महत्त्वाचे! गणेश विसर्जन मिरवणुकीमुळे ‘या’ रस्त्यांवर 15 तास ‘नो एन्ट्री’; पर्यायी मार्ग कोणते? जाणून घ्या
त्यांना उपचारार्थ रुग्णालयात दाखल करण्यात आले. त्यावेळी खिशात सुसाइड नोट आढळून आली. पोलिसांनी रुग्णालयात पोहोचून त्यांचा जबाब नोंदविला. मात्र, दुर्दैवाने उपचारांदरम्यान त्यांचा मृत्यू झाला. या प्रकरणात गिरणाकर आणि खोडेला अटक झाली असून, रक्कम व कर्ज फेडले नाही तर घर नावे करून घेण्यासाठी दोघांनी कामगाराकडून घराची कागदपत्रे नोटरी करवून घेतल्याचे तपासात उघड झाले आहे.
खळबळजनक! कळवणच्या आश्रमशाळेतील 51 विद्यार्थिनींची तब्येत बिघडली, विषबाधा झाल्याचा संशय
वैद्यकीय अधिकाऱ्याच्या कारवर हल्ला
जिल्हा शासकीय रुग्णालयाच्या वैद्यकीय अधिकाऱ्याच्या कारच्या काचेवर दगड फेकून हल्ला केल्याची घटना पंचवटीतील मखमलाबाद नाका परिसरात मधुबन कॉलनीत घडली. याप्रकरणी अज्ञातांविरुद्ध पंचवटी पोलिसांत गुन्हा नोंदविण्यात आला. संशयित अल्पवयीन असून, कट रचून हल्ला केल्याचा पोलिसांना संशय आहे. डाॅ. अनंत बाजीराव पवार (रा. मखमलाबाद राेड) यांनी फिर्याद दिली आहे. पवार हे जिल्हा शासकीय रुग्णालयात वरिष्ठ वैद्यकीय अधिकारी असून, कार्यालयीन काम आटाेपून सायंकाळी एमएच १५, एक्यू ४९५० हा क्रमांकाच्या कारने ते घरी जात हाेते. राजा काॅलनीकडे जात असताना दाेघा अनाेळखी संशयितांनी कारच्या काचेवर दगडसदृश वस्तू फेकली. पवार यांनी वाहनाचा वेग कमी केला. तितक्यात उजव्या बाजूने काचेवर दगडफेक करण्यात आली. दाेघे संशयित बाजूला थांबलेल्या तिसऱ्या संशयिताच्या दुचाकीवर बसून पसार झाले. त्यानंतर, पवार यांनी पंचवटी पाेलिसांत धाव घेत फिर्याद दिली.