रेहान शेख शौकत वय १९ असे नदीच्या प्रवाहात मृतदेह आढळलेल्या तरुणाचं नाव आहे. याप्रकरणी नातेवाईकांनी दिलेल्या माहितीनुसार, रेहान हा रहमानिया कॉलनी येथे सईदा मशिदीच्या मागे कुटुंबासह राहतो. वडील खाजगी नोकरी करतात तर त्याचा एक भाऊ रिक्षा चालक आहे. रेहान हा भोळसट आहे. त्यामुळे त्याचे काही दिवसांपूर्वी शिक्षणही सुटले आहे. तो घरीच असायचा. बेपत्ता होण्याआधी तो मित्रासोबत घराच्या परिसरात फिरत होता. दरम्यान बुधवारी दुपारी बारा वाजेच्या सुमारास तो मित्रांसोबत घराबाहेर पडला, मात्र रात्री होऊनही तो घरी परतला नाही. नातेवाईकांनी सर्वत्र शोध घेतला मात्र तो सापडला नाही.
आईच्या मांडीवर डोकं ठेवलं, कोल्हापुरात 10 वर्षांचा मुलगा कायमचा निजला, ताईप्रमाणेच हार्ट अटॅकने अंत
दरम्यान नारेगाव परिसरातील मांडकी शिवारात वाहत्या नदीमध्ये छोट्या पात्रात एक मृतदेह आढळून आला. शेतकऱ्यांनी माहिती तात्काळ चिखलठाणा पोलिसांना दिली. घटनेची माहिती मिळताच पोलीस ठाण्याचे उपनिरीक्षक श्रीनिवास धुळे, सतीश देवकर हे घटनास्थळी दाखल झाले स्थानिकांच्या मदतीने मृतदेह बाजूला घेऊन रुग्णालयात दाखल करण्यात आला. त्यानंतर तो मृतदेह रेहान याचा असल्याची ओळख पटली. त्यानंतर घटनेची माहिती रेहानच्या कुटुंबीयांना देण्यात आली. लेकाचा मृतदेह पाहून कुटुंबीयांनी घटनास्थळी टाहो फोडला.

रेहान घरातून बाहेर पडल्यानंतर कोणाला भेटला? कुणासोबत मांडकी शिवारापर्यंत गेला? हा घातपात आहे? की आत्महत्या? याचा तपास पोलीस करत आहेत. यासाठी पोलिसांनी परिसरातील सर्व सीसीटीव्ही फुटेज तपासले आहेत. याप्रकरणी चिकलठाणा पोलीस ठाण्यात आकस्मित मृत्यूची नोंद करण्यात आली असून पुढील तपास पोलीस करत आहेत. १९ वर्षीय तरुणाचा दोन दिवसानंतर मांडकी शिवारातील वाहत्या नदीत मृतदेह आढळून आला आहे. या घटनेमुळे एकच खळबळ उडाली आहे. दोन दिवसानंतर मृतदेह आढळल्यानंतर अपघात आहे की घातपात याबाबत शंका उपस्थित केली जात आहे.