अजित दादा अन् महिला पोलीस अधिकाऱ्याचा व्हिडीओ व्हायरल

अजित पवार आणि महिला आयपीएस अधिकारी, करमाळा तालुक्याच्या पोलीस उपअधीक्षक अंजना कृष्णा यांचा व्हॉइस कॉल आणि व्हिडीओ कॉल सध्या सोशल मीडियावर प्रचंड व्हायरल होत आहे. अजित पवारांच्या या संवादाचा व्हिडीओ व्हायरल झाल्यानंतर आणि प्रसिद्धी माध्यमांत हे वृत्त झळकल्यानंतर संबंधित गावातील शेतकरी आणि फोन लावणाऱ्यांवर कारवाईचा बडगा उगारण्यात आला आहे. सरकारी कामात अडथळा निर्माण केल्याप्रकरणी हा गुन्हा दाखल करण्यात आला आहे. ग्राम महसूल अधिकारी प्रीती शिंदे यांनी तक्रार दिली आहे.

नेमके काय आहे प्रकरण?

करमाळा तालुक्यातील कुर्डु, जि. सोलापूर, येथे बेकायदेशीर मुरूम उपसा सुरू होता. महसूल अधिकारी व पोलीस अधिकारी बेकायदेशीर मुरूम उपसा रोखण्यासाठी गेले होते. यावेळी अजित पवार यांच्या नेतृत्वातील राष्ट्रवादी काँग्रेसचे कार्यकर्ते पोलीस आणि महसूल अधिकाऱ्यांना भिडले. त्यावेळी बाबा जगताप या राष्ट्रवादीच्या पदाधिकाऱ्याने उपमुख्यमंत्री अजित पवारांना व्हॉइस कॉल करून महिला आयपीएस अधिकारी अंजना कृष्णा यांच्याकडे मोबाईल फोन दिला होता.
Nilesh Rane : कोकणातील सहा नेत्यांचं भाजपातून निलंबन, निलेश राणे खवळले, म्हणाले राणे साहेब ज्या दिवशी…
उपमुख्यमंत्र्यांनी प्रशासनाची बाजू घेण्याऐवजी उलट महिला आयपीएस अधिकाऱ्यास खडे बोल सुनावले. त्यावेळी अंजना कृष्णा यांनी अजित पवार यांना व्हिडीओ कॉल करण्यास सांगितले होते. त्यावरून अजित पवार यांनी अंजनांवरच कारवाई करण्याचा इशारा दिला होता. ‘तुम्हारी इतनी हिम्मत… मै कारवाई करुंगा’ असे ते म्हणाले होते. मात्र ग्राम महसूल अधिकारी प्रीती शिंदे यांच्या फिर्यादीवरून राष्ट्रवादीच्या कार्यकर्त्यांसह 15 ते 20 जणांवर गुन्हा दाखल करण्यात आला आहे.

Maharashtra Politics : माजी मुख्यमंत्र्यांना धक्का, निवडणूक आयोगाची नोटीस, महाराष्ट्रातून नोंदणी रद्द होण्याची भीती

सोशल मीडियावर एकापाठोपाठ व्हिडीओ व्हायरल

शेतकरी नेते अतुल खूपसे यांनी हकिगत सांगत खुलासा केला, हा बेकायदेशीर मुरूम उपसा सुरू होता,अजित पवारांचा बेकायदेशीर कामांना पाठिंबा आहे का? अजित पवार यांना सोलापूरचं बीड करायचं आहे का? अजित पवार यांनी ताबडतोब महिला आयपीएस अधिकाऱ्याची माफी मागावी अन्यथा सोलापूर जिल्हाधिकारी कार्यालयासमोर मोठे जनआंदोलन करणार असा इशारा दिला होता. याशिवाय अनेक व्हिडीओ सोशल मीडियावर व्हायरल झाले, त्यामध्ये कुर्डु येथील शेतकरी, ग्रामस्थ आणि राष्ट्रवादीचे कार्यकर्ते महसूल प्रशासनाच्या अधिकाऱ्यांना, पोलीस अधिकाऱ्यांना कशा प्रकारे अरेरावीची भाषा वापरतात हे सांगितले गेले आहे.