महामुंबईतील रेल्वे मार्ग उभारण्यासह विस्तारण्याचे काम एमआरव्हीसी एमयूटीपी संचाच्या माध्यमाने करत आहे. एमयूटीपीतील खर्चाचा काही निधी कर्जाऊ पद्धतीने उभारून उर्वरित खर्चाचे वाटप राज्य आणि केंद्राकडून निम्मे-निम्मे स्वरूपात केले जाते. प्रथमच कोणत्याही बहुराष्ट्रीय वित्त संस्थेची मदत न घेता मेक इन इंडिया नुसार एसी लोकलची बांधणी होणार आहे. यासाठी राज्य आणि केंद्र प्रत्येकी १० हजार५०० कोटी रुपयांची गुंतवूणक करणार आहे.

बहुराष्ट्रीय वित्त पुरवठा संस्थांकडून कर्ज घेताना त्यांच्या मार्गदर्शक सूचना आणि नियमांचे पालन करावे लागते. यामुळे मेक इन इंडियाच्या नियमांचे पालन करणे अडचणीचे ठरणारे होते. देशात रोजगाराच्या संधी उपलब्ध व्हाव्या आणि तंत्रज्ञानाच्या विकासासाठी बहुराष्ट्रीय वित्त पुरवठादारांकडून कोणत्याही स्वरूपाचे कर्ज न घेता राज्य आणि केंद्र सरकारकडून संपूर्ण खर्च उचलण्यात येईल. केंद्राच्या भूमिकेनुसार राज्य सरकारने सहमती दर्शवत मंजुरी दिली आहे.यापूर्वी एमयूटीपी तीन आणि तीन अ मध्ये २१ हजार कोटींपैकी २२ टक्के निधी कर्जाऊ पद्धतीने उभारण्याची मंजुरी देण्यात आली होती. आता बदल करण्यात आला आहे. यामुळे राज्य आणि केंद्र सरकारला एकूण अतिरिक्त ४,८३६ कोटींची गुंतवणूक करावी लागणार आहे. यातील २, ४१३ कोटी रुपयांचा राज्य सरकारचा वाटा देण्यास मान्यता देण्यात आली आहे.
ओबीसींच्या नाराजीचा धसका: मंत्रिमंडळ बैठकीत मोठा निर्णय, आजच GR काढणार; डॅमेज कंट्रोलचा प्रयत्न?
एमयूटीपी प्रकल्पांतर्गत १३६.६५२ किलोमीटरच्या नव्या मार्गिकांच्या उभारणीच्या १४ हजार ९०७ कोटी रुपयांच्या खर्चाला राज्य सरकारने तत्वत मंजुरी दिली आहे. खर्चासाठी ७ हजार ४५३ कोटी रुपयांचा राज्य सरकारचा वाटा राहणार आहे. एमयूटीपी तीन ब प्रकल्पसंचात बदलापूर-कर्जत दरम्यान तिसरी व चौथी मार्गिका, आसनगाव कसारा दरम्यान चौथी मार्गिका व पनवेल ते वसईदरम्यान नवीन उपनगरीय रेल्वे मार्ग यांचा समावेश आहे. पुणे ते लोणावळादरम्यान तिसऱ्या-चौथ्या मार्गिका रेल्वे प्रकल्पालाही मंजुरी मिळाली असून ६३ किलोमीटरच्या मार्गावर १७ स्थानके आहेत. यासाठी ५ हजार १०० कोटींचा खर्च अपेक्षित आहे.

२३८ एसी लोकल खरेदीला मान्यता
एमयूटीपी तीन – ४७ एसी लोकल
एमयूटीपी तीन अ – १९१ एसी लोकल
महिन्याभरात निविदा जाहीर
पहिल्या सहा महिन्यांत कंत्राटदार निश्चित
उत्पादन निर्मिती, पायाभूत सुविधा निर्माणासाठी दोन वर्षे
२०२८ मध्ये पहिली प्रारूप एसी लोकल, सहा महिन्यांची चाचणी
दर महिन्याला मोठ्या प्रमाणात ४० ते ५० लोकल बांधणी
४ हजार ८२६ कोटींच्या निधीला मंजुरी (त्यात सरकारचा वाटा निम्मा)
Maharashtra Weather: राज्यातील 7 जिल्ह्यांमध्ये मुसळधार पाऊस बरसणार, मुंबईला कोणता अलर्ट? हवामान विभागाचा ताजा अंदाज
आणिक डेपो वडाळा ते गेटवे मेट्रोला वेग
मुंबईतील आणिक डेपो वडाळा ते गेटवे ऑफ इंडिया मेट्रो मार्गिका-११ या १७.५१ किमी लांबीच्या प्रकल्पास आणि त्यासाठी येणाऱ्या २३ हजार ४८७कोटी ५१ लाख रुपयांच्या खर्चाच्या तरतूदीस मंत्रिमंडळ बैठकीत मान्यता देण्यात आली. मेट्रो मार्गिका ११ ही मुंबई मेट्रो मार्गिका-४ चा (वडाळा-ठाणे-कासारवाडवली) विस्तारित भाग आहे. या मार्गिकेचा सविस्तर प्रकल्प अहवाल दिल्ली मेट्रो रेल कॉर्पोरेशनकडून तयार करुन घेण्यात आला आहे. मुंबई मेट्रो रेल कॉर्पोरेशन लि. या प्रकल्पाची उभारणी करणार आहे. या प्रकल्पासाठी केंद्र सरकारकडे ३ हजार १३७ कोटी ७२ लाख रुपयांचे समभाग आणि ९१६ कोटी ७४ लाख रुपयांचे बिनव्याजी दुय्यम कर्ज सहाय्य मिळावे म्हणून विनंती करण्यात येणार आहे.

बाह्य संस्थेच्या मदतीशिवाय एसी लोकल बांधणीसाठी २,८५६ डबे, एमयूटीपी तीन व प्रकल्पसंच, पुणे-लोणावळादरम्यान दोन नव्या मार्गिका अशा रेल्वे प्रकल्पांना राज्य सरकारने मंजूरी दिली आहे. यामुळे सर्वात व्यस्त रेल्वे मार्ग असलेल्या मुंबई-पुणेवरीलवरील वाहतूकीची क्षमता वाढेल. महामुंबईत लोकल आणि मेल-एक्स्प्रेस यांचे स्वतंत्रीकरण होऊन लोकलच्या क्षमतेत वाढ होण्यास मदत होईल. एमयूटीपी तीन व प्रकल्पसंचात पनवेल-वसई नव्या रेल्वेमार्गाचा लाखो प्रवाशांना लाभ मिळणार आहे. राज्य सरकारने एसी लोकल खरेदीच्या मंजुरीमुळे खरेदीची प्रक्रिया अधिक वेगवान झाली आहे. एसी लोकलच्या डब्यांची खरेदी करून आवश्यकतेनुसार बारा आणि पंधरा डब्यांच्या लोकल बांधण्यात येणार आहे.- विलास वाडेकर, अध्यक्ष आणि व्यवस्थापकीय संचालक, एमआरव्हीसी