निलेश राणे यांनी सोशल मीडियावरुन पोस्ट शेअर करत भाजप जिल्हाध्यक्षांना सुनावलं आहे. त्यामुळे सहा नगरसेवकांच्या निलंबनाचा मुद्दा आता खासदार नारायण राणे यांच्या कोर्टात जाण्याची शक्यता आहे. भाजपच्या त्या सहा नगरसेवकांच्या मदतीसाठी आमदार निलेश राणे त्यांनी पुढाकार घेतला आहे.

‘आम्हाला ज्या दिवशी खासदार नारायण राणे सांगतील त्या दिवशी आम्ही निलंबन मान्य करू. सिंधुदुर्गात भाजपचे निर्णय हे खासदार राणे साहेब घेत असतात, म्हणून या पत्राला आम्ही किंमत देत नाही’, अशा स्वरूपाचे प्रत्युत्तर शिवसेना कुडाळ-मालवणचे आमदार निलेश राणे यांनी एक्स सोशल मीडियावरुन दिलं आहे.

कुडाळ नगरपंचायतीत श्री सिद्धिविनायक नगर विकास आघाडी असा आठ जणांचा गट नोंदणीकृत करण्यात आला होता. या गटातील सहा नगरसेवकांना निलंबित करून उर्वरित दोन भाजपा नगरसेवक या गटात राहू इच्छित नाहीत, अशा स्वरूपाचे पत्र भाजप जिल्हाध्यक्षांनी जिल्हाधिकाऱ्यांना दिल आहे.

कुडाळ नगरपंचायतमधील भाजपच्या आठपैकी सहा नगरसेवकांना त्यांनी शिस्तभंग केल्याने भाजपमधून निलंबित करण्यात आल्याच्या नोटिसा भाजपचे जिल्हाध्यक्ष प्रभाकर सावंत यांनी बजावल्या आहेत. याबाबत भाजप जिल्हाध्यक्ष प्रभाकर सावंत यांनी जिल्हाधिकारी यांना पत्र देऊन हे सहा नगरसेवक भाजपमधून निवडून आले होते. ते पक्षविरोधी कारवाई करीत असल्याने त्यांच्यावर पक्षातर्फे निलंबनाची कारवाई करण्यात येत आहे, असे पत्राद्वारे कळविले आहे. त्यांच्याबाबत योग्य आदेश निर्गमित करावा असे पत्रात नमूद केले आहे.
Yogesh Alekari : जगभ्रमंतीवर निघालेल्या मराठमोळ्या ब्लॉगरला फटका, नवी मुंबईकर योगेश आलेकरींची बाईक यूकेमध्ये चोरीला, पैसे-पासपोर्ट गमावले
एकंदरीत यामुळे कुडाळ नगरपंचायतीत खळबळ उडाली आहे. या सहा नगरसेवकांनी गेल्या अनेक महिन्यांपासून भाजपच्या कोणत्याही अधिकृत बैठका, सभा अथवा कार्यक्रमांना अनुपस्थित राहणे, वारंवार इतर राजकीय पक्षांच्या व्यासपीठावर उपस्थित राहणे असे करून पक्षशिस्तभंग केल्याचा ठपका जिल्हाध्यक्ष प्रभाकर सावंत यांनी पत्रात नमूद केले आहे.
Bihar Election : वक्तव्य सांभाळून करा, अमित शाहांसोबत हायव्होल्टेज बैठक, भाजप नेत्यांना सूचना; जागावाटप फॉर्म्युलाही ठरला, तावडेही उपस्थित
श्री सिद्धिविनायक नगर विकास आघाडी या नोंदणीकृत गटातून उर्वरित दोन नगरसेवकांना वगळून सहा नगरसेवकांबाबत आवश्यक ती प्रशासकीय कार्यवाही करावी अशा स्वरूपाचे पत्र थेट जिल्हाधिकाऱ्यांना देण्यात आले आहे.