बसच्या एका बाजूच्या भागाचा चेंदामेंदा

कर्नाटक राज्यातील बिदरहून पंढरपूरकडे जाणाऱ्या बसला ट्रकने जोरदार धडक दिली. त्यामध्ये बसमधील प्रवाशांना गंभीर दुखापत झाली आहे. अपघाताची माहिती मिळताच स्थानिकांनी घटनास्थळी धाव घेतली. अपघात एवढा भीषण होता की, बसचा एक भाग पूर्णपणे उघडा पडला आहे. या अपघातात 16 प्रवासी जखमी झाले असून यातील 6 जणांची प्रकृती गंभीर असल्याची प्राथमिक माहिती मिळाली आहे. 5 ते 6 प्रवाशांची प्रकृती चिंताजनक असल्याची प्राथमिक माहिती समोर आली आहे. तसेच हे प्रवासी पंढरपूरला दर्शनाला जात असल्याचं सांगण्यात येत आहे.
Akola Crime : दारुच्या नशेत संतापजनक कृत्य, पोटच्या गोळ्यानं जन्मदात्या बापालाच संपवलं, काठीने वार करत जीव घेतला

शासकीय रुग्णालयात सात प्रवाशांवर उपचार सुरू

शासकीय रुग्णालयातील पोलिस चौकीत झालेल्या नोंदीनुसार 7 रुग्णांना उपचारासाठी दाखल करण्यात आलं आहे. शिवकुमार म्हेत्रे (वय 46, रा. बिदर, कर्नाटक), संजीवनी म्हेत्रे (वय 70, रा. बिदर, कर्नाटक), श्रावणकुमार शिवाजीराव दाडगे (वय 41, भालकी, जि. बिदर, कर्नाटक), ज्योती श्रवणकुमार दाडगे (वय 35, रा. भालकी जि. बिदर, कर्नाटक), रवींद्र रमेश पाटील (वय 45, रा. जेवळी, ता. लोहारा, ता. तुळजापूर जि. धाराशिव), समीर सत्तार काझी (वय 33, रा. नळदुर्ग, ता. तुळजापूर, जि. धाराशिव), मोअजन अबूबकर नजरअली (वय 30, रा. नळदुर्ग, ता. तुळजापूर, जि. धाराशिव) हे जखमी प्रवासी सोलापूरच्या शासकीय रुग्णालयात उपचार घेत आहेत. आणखी प्रवासी हे खाजगी रुग्णालयात उपचार घेत आहेत.