याप्रकरणी स्थानिकांनी दिलेल्या माहितीनुसार, खांडी पिंपळगाव येथील पांडुरंग शहाजी भालेराव यांचं सोमवारी सकाळी आठ वाजेच्या सुमारास निधन झालं. कुटुंबातील सदस्यांनी अंत्यविधीची तयारी केली.मात्र गावात स्मशानभूमी नसल्यामुळे भर पावसात उघड्यावर अंत्यविधी करायचा कसा असा प्रश्न पडला? यातून पर्यायी मार्ग काढत दलित वस्तीच्या शेजारी असलेल्या गायरान जमिनीच्या उघड्या जागेवर अंत्यविधी करण्याचा निर्णय घेण्यात आला. दुपारी तीन वाजेच्या सुमारास नातेवाईक पार्थिव घेऊन गायरान जमिनीवर आले. मात्र अंत्यविधी पूर्ण होण्याअगोदर पाऊस आला तर अडचण होईल यामुळे नातेवाईकांनी ताडपत्री आणली. पाऊस लागू नये यासाठी अंत्यसंस्कार करत असताना लाकडे लावून ताडपत्री ठेवण्यात आली. या संपूर्ण अंत्यविधीसाठी नातेवाईकांना १५ लिटरपेक्षा अधिकच डिझेल वापरावं लागलं. या घटनेमुळे नातेवाईकांनी संताप व्यक्त केला.
Chhatrapati Sambhajinagar : पोलिसांकडून आंटीचा ‘गेम’! पंटरला आत घेऊन गेल्यावर फोन वाजताच… छ. संभाजीनगरमध्ये खळबळ

जिल्ह्यात २३१ गावांना नाही स्मशानभूमी….

दरम्यान, खुलताबाद येथील या घटनेच्या निमित्ताने जिल्ह्यातील स्मशानभूमीचा प्रश्न पुन्हा चर्चेसाठी आला. जिल्ह्यातील १३३२ गावांपैकी तब्बल २३१ गावांमध्ये अद्याप पर्यंत स्मशानभूमी नसल्याची धक्कादायक माहिती समोर आली आहे. खांडी पिंपळगाव सह स्मशानभूमी नसलेल्या गावांना तात्काळ स्मशानभूमी उपलब्ध करून द्यावी अशी मागणी गावकऱ्यांनी केली आहे.
Crime News : 13 वर्षीय मुलाला रात्री रस्त्यात अडवलं, धमकावत शेडमध्ये अनैसर्गिक अत्याचार, छत्रपती संभाजीनगरात खळबळ
खांडी पिंपळगाव येथे स्मशानभूमी नाही. यामुळे ज्यांच्याकडे शेती आहे. ते कुटुंब त्यांच्या शेतात अंत्यविधी करतात. मात्र भूमिहीन नसलेल्या दलित मागासवर्गीय कुटुंबांना अंत्यविधीसाठी प्रचंड हाल सहन करावे लागतात. भारताला स्वातंत्र्य होऊन ७५ वर्षे पूर्ण झाले. पंतप्रधान नरेंद्र मोदींच्या नेतृत्वात देश महासत्ता होऊ पाहत आहे. अशा परिस्थितीमध्ये अनेक नागरिकांना मरण यातना सहन कराव्या लागत आहे. ही दुर्दैवी बाब आहे. आमच्या गावात तात्काळ स्मशानभूमी उपलब्ध करून द्यावे अन्यथा तहसील कार्यालयासमोर अंत्यसंस्कार करू असा इशारा सामाजिक कार्यकर्ते प्रवीण इंगळे यांनी दिला आहे.