पोलिसांनीही तातडीने धाव घेत परिस्थिती नियंत्रित केली. मात्र, सणोत्सवात हे विघातक कृत्य करण्याचा डाव आखणारे किंवा अजाणतेपणातून हे कृत्य करणाऱ्यांचा माग आता पोलिस काढत आहे. संबंधितांना ताब्यात घेण्यासह कायदेशीर कारवाईसाठी पथके नेमण्यात आली आहेत.
कालबाह्य असूनही घातकच!
जिलेटीन कालबाह्य झाले असले, तरी त्याचा धोका संभवतोच. एखाद्या कालबाह्य औषधाचा जसा विपरित परिणाम होतो, तसाच जिलेटीन कालबाह्य होऊनही त्याच्या स्फोटाची तीव्रता कमी होईलच असे नाही. किंबहुना कालबाह्य जिलेटीनचा स्फोट अधिक तीव्रतेनेही होऊ शकतो, असे पोलिस दलातील तज्ज्ञांनी सांगितले. दरम्यान, नाशिकमध्ये आढळलेल्या जिलेटीनमुळे कोणताही अनर्थ घडला नसला, तरी यामागील सूत्रधार समोर आल्यानंतरच घटनेचे कोडे उलगडणार आहे.
जिलेटीनच्या कांड्या म्हणजे?
जिलेटीनच्या कांड्यांचा वापर स्फोटक म्हणून केला जातो. विशेषतः खाणकाम, विहिरी खणणे, रस्ते किंवा इतर कामांदरम्यान अडथळा ठरणारे मोठमोठे दगड किंवा खडक फोडण्यासाठी जिलेटीनचा वापर केला जातो. यामध्ये मोठे छिद्र करून त्यामध्ये जिलेटीनच्या कांड्या ठेवल्या जातात, त्यानंतर लांबून वात पेटवून स्फोट घडवून आणला जातो.
जिलेटीन किती विध्वंसक ?
जिलेटीनच्या कांड्या विध्वंसक असतात. एका जिलेटीनच्या कांडीच्या स्फोटामध्ये मोठमोठ्या गोष्टी उद्ध्वस्त होऊ शकतात
हा स्फोट इतका भयंकर असतो की यामध्ये महाकाय दगडांच्या चिंधड्या उडतात । जिलेटीनच्या कांड्यांचा स्फोट होऊन अनेक दुर्घटनाही घडल्या आहेत. यात अनेक लोकांना आपले प्राण गमवावे लागले आहेत विकृत प्रवृत्तीचे लोक जाणूनबुजून जिलेटीन कांड्यांचा वापर करून विध्वंस घडवतात