याबाबत सविस्तर वृत्त असे की, बावीस वर्षीय तरुणाने अलिबागमधील अल्पवयीन पीडिता सोळा वर्षीय मुलीला तिची बदनामी करण्याची धमकी दिली आणि तिला मारहाण देखील केली होती. आपली बदनामी होऊ नये म्हणून पीडित मुलगी प्रचंड घाबरली. आणि याचाच फायदा घेत तरुणाने पीडितेला आपल्या घरी बोलावले. तिच्या मनाविरुद्ध वारंवार जबरदस्तीने शारीरिक संबंध प्रस्थापित केले. नराधमाच्या अत्याचारामुळे सोळा वर्षीय अल्पवयीन पीडिता गर्भवती झाली. या अत्याचाराबद्द पीडितेने पोलिसांत धाव घेतली. अल्पवयीन पीडितेने २८ऑगस्ट २०२५ रोजी रात्री आठ वाजण्याच्या सुमारास फिर्याद दाखल केली. याबद्दलची माहिती पेण पोलिसांकडून आज प्राप्त झाली आहे.

याबाबत पेण पोलीस ठाण्यात गु.रजि.नं.१६१/२०२५ भा. न्याय. संहिता कलम ६४ (२) (आय) (एम), ११५,३५१(२) बालकांचे अपराधापासुन अधिनियम २०१२ चेकलम ४,६,८ प्रमाणे गुन्हा दाखल केला असून अधिक तपास पोलिस निरीक्षक संदीप बागुल यांच्या मार्गदर्शनाखाली महिला पोलिस उप निरीक्षक शिल्पा वेगुर्लेकर या करीत आहेत. या गुन्ह्यातील आरोपीला अटक करण्यात आली असून पेण न्यायालयाने ६ सप्टेंबर २०२५ पोलिस कोठडी सुनावली आहे.

महिन्याभरापूर्वीच एक अशीच धक्कादायक घटना समोर आली होती. त्या घटनेत पीडित मुलीचे आत्याच्या मुलासोबत प्रेम संबंध होते.आरोपीच्या मामाने म्हणजे पीडित मुलीच्या वडिलांनी मुलीचे लग्न अठरा वर्षांनंतर करून देण्याचे कबूल केले होते. पण त्या अगोदरच त्या मुलाने तिच्याशी शरीरसंबंध प्रस्थापित केले होते. त्या मुलीचा गर्भपात झाला. या प्रकरणी पोलिसांत तक्रार दाखल करण्यात आली. त्या तरुणाला अटक करण्यात आली होती.