याबाबत, महेश सुरेश रणशूर (वय 35 वर्षे, राहणार लोहारा तालुका लोहारा जिल्हा धाराशिव, हल्ली मुक्काम शिवहरी ग्रीन सिटी प्लॅट नं 106 बी वापी तालुका पार्डी जिल्हा वलसाड राज्य गुजरात) यांनी 26 ऑगस्ट रोजी दिलेल्या प्रथम माहितीवरुन पोलिस ठाणे लोहारा येथे भारतीय न्याय संहिता कलम 103 (1) , 352, 3 (5) अन्वये गुन्हा दाखल करण्यात आला आहे.
या घटनेची माहिती मिळताच लोहारा पोलीस स्टेशनचे सहाय्यक पोलिस निरीक्षक ज्ञानेश्वर कोकणाळे यांनी घटनास्थळी भेट दिली. तेव्हा मृत महिलेचा मृतदेह सापडून आला. त्यांच्या मृतदेहावरील जखमा पाहता त्यांना मारहाण झाल्याचं निदर्शनास आलं. या प्रकरणी पोलिसांनी तात्काळ गुन्ह्याची नोंद करुन घेत दोन्ही आरोपींना अटक केली असून दोन्ही आरोपींना न्यायालयात हजर करण्यात आला. न्यायालयाने त्यांना चार दिवसांची पोलिस कोठडी सुनावली आहे. या प्रकरणाचा तपास सहाय्यक पोलिस निरीक्षक ज्ञानेश्वर हे करत आहेत. या घटनेने परिसरात एकच खळबळ माजली आहे.