मात्र येणाऱ्या भक्तांची सुरक्षिता पाहता मुंबई पोलिसांसह, अग्निशमन दलाने दिलेल्या नकारानंतरही उभारणी केल्याने त्याआधारे मुंबई महापालिकेच्या एफ दक्षिण वॉर्डकडून जागेच्या मूळ मालकांनाच मंगळवारी नोटीस बजावली. २४ तासांत अन्नछत्र काढा, अन्यथा कारवाई करून काढण्यात येईल, असा इशाराही दिला आहे. त्यामुळे बुधवारपर्यंत मुंबई महापालिका याची प्रतीक्षा करणार आहे.
Mumbai News : गणपती मंडळांसाठी महत्त्वाची बातमी; मुंबईतील ‘ते’ १२ पूल धोकादायक, गणपती आगमन-विसर्जनावेळी काळजी घेण्याचं आवाहन
येणाऱ्या भक्तांच्या गर्दीचे नियोजन आणि सुरक्षित दर्शनासाठी साडेतीन हजारांपेक्षा जास्त कार्यकर्त्यांची फौजही आहे. तसेच महिला कार्यकर्ते आणि पोलिसही आहेत.

यंदाचा उत्साह पाहता लालबागच्या राजाच्या दर्शनासाठी येणाऱ्या गणेशभक्तांसाठी प्रसाद म्हणून जेवणाची व्यवस्था करण्याचा निर्णय मंडळाने घेतला आणि त्यासाठी जय्यत तयारीही केली. त्यासाठी लालबागमधील पेरू कंपाऊंडमध्ये तीन अन्नछत्र उभारण्याचा निर्णय घेतला. मात्र या अन्नछत्रात होणारी गर्दी आणि त्यामुळे चेंगराचेंगरीचा धोका आणि अन्य कायदा-सुव्यवस्था पाहता सुरक्षिततेच्या दृष्टीने त्याला मुंबई पोलिसांसह अग्निशमन दलानेही परवानगी देण्यास नकार दिला. तरीही अन्नछत्र उभारण्यात आले. त्यामुळे परवानगी नसतानाही अन्नछत्र उभारण्यात आल्याने मुंबई महापालिकेच्या एफ दक्षिण वॉर्डने त्याला नकार देत ज्या जागेत अन्नछत्र उभारले, त्या जागेच्या मूळ मालकालाच काम थांबवण्याची नोटीस बजावली आहे.
Gunratan Sadavarte : न्यायालयाकडून मनाई पण जरांगे ठाम; सदावर्तेंची जोरदार टीका, शरद पवारांचं नाव घेत म्हणाले…
अन्यथा महापालिका कारवाई करणार
सध्या ही जागा एका विकासकाच्या ताब्यात आहे. त्यामुळे एफ दक्षिण वॉर्डने नोटीस मालकालाच बजावून अन्नछत्र काढा, असे स्पष्ट केल्याचे महापालिकेतील एका वरिष्ठ अधिकाऱ्याने सांगितले. मुंबई पोलिस आणि अग्निशमन दलाने परवानगी नाकारल्यानंतरच ही नोटीस वॉर्डकडून बजावण्यात आल्याचे सांगितले. एकावेळी ५०० पेक्षा जास्त जण या अन्नछत्रात प्रसाद घेऊ शकतील, अशी व्यवस्था केली जात होती. मात्र सुरक्षिततेच्या कारणास्तव ती नाकारण्यात आली.

अन्नछत्रासाठी उभारलेला मंडप, साहित्य त्वरित काढा, अशी नोटीस देताना त्यासाठी २४ तासांची मुदत दिल्याचे वरिष्ठ अधिकाऱ्याने सांगितले. मंगळवारी ही नोटीस बजावली. बुधवारपर्यंत पेरू कंपाऊंडमधील अन्नछत्रासाठीचे शेड, अन्य साहित्य न काढल्यास महापालिका दुसरी नोटीस बजावेल. त्यानंतर स्वत: ही शेड व साहित्य काढणार आहे.

अद्याप निर्णय नाही
मुंबई अग्निशमन दलानेही अन्नछत्र उभारणीला परवानगी नाकारली आहे. सुरक्षिततेच्या कारणास्तव परवानगी दिली नाही, असे अग्निशमन दलातील सूत्रांनी सांगितले. एकाच वेळी मोठ्या प्रमाणात गर्दी झाल्यास त्याचे नियोजन नाही. पोलिसांनी आणि वॉर्डने परवानगी दिली, तरच अग्निशमन दलही परवानगी देईल. मात्र त्याबाबत अद्याप कोणताही निर्णय घेण्यात आला नसल्याचे सांगण्यात आले.