सहा महिला भक्तांवर संकट कोसळलं

काही दिवलांपूर्वी जिल्ह्यात एक भीषण अपघात झाला होता. गुहागर-विजापूर राष्ट्रीय महामार्गावर योगेवाडी, ता. तासगाव येथे एसटी बस आणि मालवाहू कंटेनर यांच्यात समोरासमोर भीषण धडक झाली. या अपघातात गणपतीपुळे येथे देवदर्शनासाठी जाणाऱ्या जाखापूर, ता. कवठेमहांकाळ येथील सहा महिला जखमी झाल्या असून, बसचालक गंभीर जखमी आहे. सर्व जखमींना तातडीने तासगाव ग्रामीण रुग्णालय आणि सांगली सिव्हील हॉस्पिटल येथे उपचारासाठी दाखल करण्यात आलं आहे.
Maratha Reservation: जरांगे पाटील मुंबईकडे निघण्याआधीच सरकारकडून पहिली मागणी मान्य; आरक्षण उपसमितीचे अध्यक्ष विखे पाटलांची मोठी घोषणा

हा अपघात सकाळी १९ ऑगस्ट रोजी सात वाजण्याच्या सुमारास योगेवाडी फाट्यावर घडला. कवठेमहांकाळ बस स्थानकाची ही एसटी बस जाखापूर येथील भाविकांना घेऊन गणपतीपुळे येथे देवदर्शनासाठी निघाली होती. विजापूर-गुहागर राष्ट्रीय महामार्गावर योगेवाडी येथे मालवाहू कंटेनरची व बसची समोरासमोर धडक झाली. धडक इतकी जोरदार होती की, बसच्या पुढील भागाचे मोठ्या प्रमाणात नुकसान झाले आहे.अपघातामुळे बस आणि कंटेनर दोन्ही वाहनांचे गंभीर नुकसान झालं आहे.

Shivsena Tryambak Tupe : ३७ वर्ष जुना शिलेदार शिंदेंनी हेरला, निवडणुकीच्या तोंडावर ठाकरे संभाजीनगरात मोठा हादरा

प्राथमिक तपासात असं दिसलं की, कंटेनरचा वेग जास्त असल्याने किंवा चालकाचे नियंत्रण सुटल्याने हा अपघात घडला असावा. तथापि, अपघाताचे नेमके कारण स्पष्ट करण्यासाठी तासगाव पोलिसांनी तपास सुरू केला आहे. कंटेनर चालकाची चौकशी सुरू असून, रस्त्याच्या अवस्थेचा आणि वाहतूक नियमांचे उल्लंघन याचाही तपास केला जाणार आहे.