विदुर लगडे असं काळ फासण्यात आलेल्या व्यक्तीचे नाव आहे. तर प्रदीप ठोंबरे असं काळं फासणाऱ्या जरांगे समर्थकाचे नाव आहे. दरम्यान, या प्रकरणी अधिक माहिती अशी की, मराठा समाजाला आरक्षण मिळावे या मागणीसाठी मनोज जरांगे उद्या मुंबईला जाणार आहे. याबाबत मराठा समाज देखील जोरदार तयारी करत आहे. हे सगळं सुरू असताना पैठण तालुक्यातील विदुर लगडे या युट्यूबरने मनोज जरांगे यांच्या बद्दल सोशल मीडियावर आक्षेपार्ह पोस्ट टाकली. ती पोस्ट जरांगे समर्थकांच्या व्हाट्सअप ग्रुपवर व्हायरल झाली. त्यामुळे मनोज जरांगे यांचे समर्थक चांगलेच आक्रमक झाले होते.
Maratha Reservation: जरांगे पाटील मुंबईकडे निघण्याआधीच सरकारकडून पहिली मागणी मान्य; आरक्षण उपसमितीचे अध्यक्ष विखे पाटलांची मोठी घोषणा
समर्थकांनी आक्षेपार्ह पोस्ट टाकणाऱ्या विदुर लगडे याला शोधलं. पैठणच्या बस स्थानकासमोरील चौकात पकडून सुरुवातीला जाब विचारला. जरांगे पाटलांना काय म्हणतो असं म्हणत प्रदीप ठोंबरे याने लगडे याचे कपडे फाडले. जरांगे समर्थक एवढ्यावरच थांबले नाही, तर त्यांनी विदुर लगडे याच्या चेहऱ्याला काळं फासलं. त्यानंतर विदुर लगडे हा घटनास्थळावरून निघून गेला. अचानक घडलेल्या या घटनेमुळे चौकात मोठी गर्दी झाली. काही नागरिकांनी या घटनेची माहिती पोलिसांना दिली. पोलीस घटनास्थळी दाखल झाले.

पोलीस म्हणाले पोस्ट एक वर्षांपूर्वीची….

दरम्यान, या प्रकरणी पैठण पोलिसांना याबाबत विचारले असता पोलिस निरीक्षक महादेव गोमारे म्हणाले की, ती पोस्ट एक वर्षांपूर्वी केलेली आहे. आजचा जो प्रकार घडला तो आपसातील वादातून घडला असावा. या प्रकरणाचा तपास आम्ही करत आहोत, असं त्यांनी सांगितलं.