ताडदेव पोलिसांनी दिलेल्या माहितीनुसार, भारतीय सैन्यातून निवृत्त झालेले हे जवान मुंबई पोलिस दलात भरती झाले. सध्या सशस्त्र विभागात कार्यरत असलेले हे पोलिस कॉन्स्टेबल पोलिसांच्या ड्युटी लावण्याचे काम करतात. यासाठी त्यांनी व्हॉट्सॲपचा एक ग्रुप तयार केला असून त्यावर अनेक पोलिस आहेत. या ग्रुपमध्ये काही दिवसांपूर्वी एका पोलिसाने ई-चलानची एक लिंक पाठवली. या कॉन्स्टेबलने त्यावर क्लिक केले आणि आपला सर्व तपशील भरला. दुसऱ्या दिवशी या लिंकवर कुणी क्लिक करू नये असा संदेश आला, परंतु तोपर्यंत उशीर झाला होता.
Mumbai Metro: मुंबईकरांसाठी आनंदाची बातमी! गणेशोत्सवानिमित्त मेट्रो मध्यरात्रीपर्यंत राहणार सुरु, असे आहे नियोजन
पोलिस कॉन्स्टेबलच्या खात्यामधून थोडी थोडी रक्कम काढली जात असल्याचे संदेश येऊ लागले. लिंकद्वारे मोबाइलचा ताबा घेऊन त्याद्वारे बँक खात्यामधून पैसे वळते केले जात असल्याचे लक्षात येताच पोलिसाने बँकेशी संपर्क साधला. पण त्याआधीच सायबर चोरांनी पोलिसांच्या बँक खात्यामधून आठ लाख ११ हजार रुपये परस्पर वळते केले. या पोलिसांच्या अज्ञानाचा गैरफायदा घेत सायबर चोरांनी ही रक्कम काढली.
Ganeshotsav 2025: ऐक्याचा धागा, श्रद्धेची शिवण! ‘लालबागचा राजा’साठी मुस्लीम कारागिरांनी शिवला मखमली पडदा
ट्रॉम्बे येथील पोलिसही जाळ्यात
मोहल्ला कमिटीसाठी बनवलेल्या ग्रुपमध्ये आलेल्या लिंकवर ट्रॉम्बे येथील एका पोलिसाने क्लिक केले. या लिंकद्वारे त्याच्या मोबाइलचा ताबा घेण्यात आला. त्याच्या नकळत बँक खात्यामधून आठ लाख रुपये परस्पर वळविण्यात आले. याप्रकरणी ट्रॉम्बे पोलिस ठाण्यात गुन्हा दाखल करण्यात आला आहे.