मुंबई – विशेष प्रतिनिधी

सौदी अरेबियाच्या अल-सलीहिया शहरातील एका सामान्य माणसाने दाखवलेल्या शौर्यामुळे मोठी दुर्घटना टळली आणि त्याला रातोरात करोडपती बनवले. माहिर फहद अल-दल्बाही नावाच्या एका ४० वर्षीय व्यक्तीने स्वतःच्या जीवाची पर्वा न करता जळत्या ट्रक पेट्रोल पंपापासून दूर नेऊन अनेक लोकांचे प्राण वाचवले. या धाडसानं सौदीचे राजा सलमान बिन अब्दुल अजीज यांनी त्याला १ मिलियन रियाल म्हणजेच जवळपास २.३ कोटी रुपयांचे बक्षीस जाहीर केले.

माहिरने जीवाची बाजी लावली
ही घटना शुक्रवारी दुपारची आहे. माहिर हे अल-सलीहियाच्या रस्त्यावरून जात असताना, त्यांना एक जळत असलेला ट्रक दिसला. ट्रकमध्ये जनावरांचा चारा भरलेला होता आणि आगीच्या ज्वाळा वाढत होत्या आणि धूर सर्वत्र पसरत होता. ट्रकचा ड्रायव्हर घाबरून ट्रक पेट्रोल पंपाजवळ सोडून पळून गेला होता. मात्र माहिरने जराही वेळ न दवडता जळत्या ट्रकमध्ये चढला आणि तो ट्रक गॅस स्टेशनपासून दूर नेला. माहिरच्या या धाडसामुळे केवळ पेट्रोल पंपच नव्हे, तर आजूबाजूच्या लोकांचेही मोठे नुकसान टळले. माहिर हे यात जखमी झाला. त्यांना थर्ड डिग्री बर्न्स झाले असून त्यांच्यावर रियादच्या किंग सऊद मेडिकल सिटीमध्ये उपचार सुरू आहेत.